Klovn hringitónn

ég held að það sé viðeigandi að vísa á Klovn hringitóninn, enda er ég kominn með leiða á honum.

mikið er hún Mia Lyhne sæt og skemmtileg.

frelsi og réttlæti

"... with liberty and justice for all" segja kanar þegar þeir sverja fánanum eið.

ég held þó að þessi vinskapur á milli frelsisstyttunnar og réttlætisgyðjunnar sé ekki alveg það sem menn höfðu í huga (mynd fannst í gegnum b2).

...justice may be blind, but it can fall in love...

innipúkadagskrá

Innipúkinn virðist ekki vera aðalnúmerið í bænum þessa helgina.

mér sýnist að bæði Jack-live hátíð Dillons og afmælispartý Organs bjóði upp á betri dagskrá, amk miðað við miðaverð (4000 á Nasa-púkann, 2-3000 á hin giggin).


Nasa - Innipúkinn:
föstudagur og laugardagur (hendi mun ráða uppröðun)
Hjaltalín, FM Belfast, Múgsefjun, Dr.Spock, Hjálmar, Morðingjarnir, Megas og Senuþjófarnir, Benni Hemm Hemm, Grjóthrun í Hólshreppi, Soundspell, Boys in a Band, Dísa, Sprengjuhöllin, Borko og Geir Ólafs

Dillon - Jack live
Friday 1. August
Jeff Who?, Atomstöðinn, Johnny & Rest, Dikta, Shadow parade, Múgsefjun
Saturday 2. August
Leynihljómsveit, Jan Mayen, Mammút, Shadow Parade, Tab 22
Sunday 3. August
Brain Police, Momentum, Severed Crotch, Boys in a band, Morðingjarnir, Hooker Swing, Ten steps away

Organ - afmæli

Cansei de Ser Sexy

lagið Alala með CSS.

þó ég sé soldið fjörug í rúmminu þá er ég ekkert drusla, þú ert bara afbrýðasöm því þú ert greinilega uppþornuð kunta

ég hallast barasta að því að þetta ER-spjallinnlegg sé grín:

Hjálp!! fór í sónar í dag...

...og kom í ljós krakki í bumbu og gengin um það bil 17 vikur og það koma 3 til greina, púff einn er giftur, annar er mjög vel stæður og sá þriðji er ekki vel stæður og skuldar mikið.

Er ekki best bara fyrir mig að velja þennan sem er vel stæður og láta hina bara ekkert vita, og segja honum að hann komi bara einn til greina?

...

mér finnst ekkert að því að sofa hjá þreum mönnum á 3 kvöldum, það var löng pabbahelgi og ég átti sko alveg skilið að fá mína útrás

...

ég er sko engin gæra. Og nei ég er ekki á private.is, þetta er maður kunningjakonu minnar

...

heyrðu nú mig, ég ætla bara ekkert að tjá mig um það hvernig hin börnin mín komu undir... þau þurfa ekkert öll að eiga gifta pabba

spáin í dag

kuldi -8°C, vindur suðaustur 3 m/s, sólsetur um kl. 17.30.

"Í dag gerast hlutinir sem vanalega gerast aldrei"

segir stjörnspáin fyrir krabbamenn á mbl.

kannski ég sé staddur á svæðinu þar sem venjulegir hlutir gerast yfirleitt ekki?

endurreisn flámælis

ég var að hugsa um að hætta með þágufallssýkina (þgf.fjörið eins og ég kalla það) og taka upp flámæli.

"Það meiga aller heyra er samþekkja mett líflát að jég ir saklaus maðör, rangliga til döjða dæmdör af óréttvisöm dómara ir ikki gitur forsvarað verk sett ferir göðs hátegnarhásæte sim við mönöm báðer koma fram ferir, annar ferr en annar seinna, og mön okkar öppskera þá næsta mjög ólik virða."
(svo mælti Valtýr á grænni treyju)

kannski ég að haldi mig bara við fámæli ...

semí-erótískt

bráðum verð ég vonandi í ástandi til þess að geta Belgíufararinnar sem endaði á sunnudaginn - madame Erna er reyndar búin að lýsa henni í grófum dráttum.

titillinn á þessari færslu er úr lagi eftir Interpol, sem ásamt Blonde Redhead rokkuðu spikfeitt á laugardaginn - einhverjar myndir tókum við Eggert á myndavélina mína, en YouTube er full af þessum tónleikum, sem fóru fram í Vorst Nationaal í Brúx:
C'mere
Narc
Lighthouse
Evil (Rosemary ..)
No I in Threesome

þangað til ... haha:

Annað hvort er ég lesblind eða með kynlíf á heilanum.
Var að byrja á gítarnámskeiði og það gengur bara fjandskoti illa..

Þetta lærði ég í gær...

hin franska Madonna

Vanessa Paradís er búin að vera lengi að, og hún er með eitt svaðalegasta frekjuskarð poppheimsins.

einskonar frönsk Madonna.

lagið Dès que j'te vois (Þegar ég sé eða e-ð) er að gera það gott á frönsku tónlistarrásunum.



flestir sem ekki eru frönskuþenkjandi þekkja líklega lagið hennar Be my baby, en fyrsti hittarinn hennar Leigubílstjórinn Joe er mun svalara.

Est-ce que si on l'avait fait,
On se ferait l'effet
Que l'on se fait chaque fois
Si on l'avait fait
On se ferait l'effet que l'on se fait

stolnar hugsanir

leit að eyti

líkt og það engu skeyti
um raunheiminn
heldur neyti
fáfræðiseytis
í fortíðarráðuneyti

það þarf að leggja í bleyti
að einhverju leyti
sum fífl
svo kjaftæðið fleyti

til að sjá hvort
það einhverju breyti

HS 5. nóvember 2007, k. 14:05



|^^^^^^^^^^^^|
|SEXY AS FUCK truck| '|""";.., ___.
|_..._...______===|= _|__|..., ] |
"(@ )'(@ )""""*|(@ )(@ )*****(@

fjörmenning

ég held að ég sé fjörmenningarsinni.myndir af svörtum mönnum sem borða yfir sig og þ.u.l. ýta ekki undir þær staðalímyndir sem ég hef af svörtu fólki.

það er ekkert meira óviðeigandi að gera grín að negrastrákum heldur en Gísla, Eiríki og Helga, af þeirri ástæðu einni að svart fólk var einu sinni kúgað.

"tíu litlir strákar af öllum kynþáttum, þjóðernum og báðum kynjum, fóru út að borða" - eða hvað?

bókin 10 litlar thai-stelpur er heldur alls ekkert slæm hugmynd - þær gætu lent í alls kyns skakkaföllum, dottið í stiga, gleymt símanum sínum, misst af strætó, tínst í Hagkaup eða orðið undir valtara, án þess að það yrði smán eða háð gagnvart kynþættinum eða tælensku þjóðinni.

sumt fólk hefur bara svo skrítnar hugmyndir um litaða menn, og þetta fólk heldur að bækur á borð við þessa um negrastrákana komi svipuðum hugmyndum að hjá börnum.



bolur til sölu á mengella.blogspot:
[PS. Jón Steinar Ragnarsson lýsti þessu ágætlega þegar hann sagði að fólk væri farið "að óttast eigin hugsanir í öllum þessum pólitíska réttrúnaði ... Aðrir, sem líta á menn, sem jafningja og er það eðlilegt, leiða hugann ekki að slíku. It's all in the eye of the beholder, ... gamla íslenska orðtækið, Margur heldur mig sig, {er} viðeigandi hér."
Þegar öllu væri á botninn hvolft væri fólk ómeðvitað að upplýsa um sínar eigin þanka og fordóma þegar það fordæmir þessa saklausu barnasögu.]

franskur ... bjór?

ég hálf skammast mín fyrir það, en um helgina drakk ég tvo biére blonde, sem framleiddir eru í Frakklandi.

ég hefði auðvitað aldrei keypt þá, vitandi að þeir væru franskir, enda hef ég óbeit á öllu frönsku.

þessir tveir voru hins vegar ágætir, líklega bruggaðir svona nálægt Þýskalandi - sérstaklega get ég mælt með biere de l’agriculture biologique bjórnum Haute Yutz frá Ueberach.

mjög milt bragð en rík fylling, ekki of sætur og skilur ekki eftir þetta súra bragð sem oft vill verða með hvítbjóra.


hún stendur upp úr liðinni helgi vínsmökkunin hjá Alice Hartmann í Wormeldange, Lúxemborgsmegin í Mósedalnum á laugardaginn. http://www.alice-hartmann.lu/alice/en/div/kontakt.php
(gæjinn vinstra meginn á myndinni var með kynninguna)

vínkynningin var reyndar á frönsku, en góðir vinnufélagar snöruðu henni jafnóðum yfir á skiljanlegri tungumál.

til smökkunar var hreint prýðilegt freyðivín og nokkrar tegundir af vino blanc, allt frá all súrum vínum úr bestu brekku Mósedalsins (fyrir neðan kapelluna á myndinni - heitir Chapelle) og upp í dísæt eftirréttarvín.

við Lilja fórum milliveginn og keyptur tvær flöskur af hinu mjög fína Terrasse, sem ræktað er í syllunum neðst á myndinni.
***

athyglisvert: þeir sem vinna með skóla fá betri einkunnir skv. jp.dk, grensan er við ca. 20 tíma á viku.

ég held að það sé varla orsakasamband þarna á milli - fólk sem ekki vinnur með námi er einfaldlega latara almennt.

undirskilið

fallegt orð, undirskilið.

sem þýðing á því skemmtilega orði implicit.

í Hugtakasafninu er orðið þýtt óbeint, það hefur væntanlega aðeins komið til kasta Þýðingarmiðstöðvarinnar í þeim skilningi.


do you understand? -> undirskilur þú?
eða
there is something implicit here -> hér er eitthvað undirskilið

uppáhaldið mitt verður þó alltaf að breyttum breytanda sbr. mutatis mutandis.


annars lenti ég í vandræðum í gær með lýsi sem gert er úr hvölum - á endanum varð orðið hvallýsi fyrir valinu.

norsarinn í mér

dagar mínir sem námsmaður eru senn taldir (í bili?) og því hef ég gerst mjög norskur upp á síðkastið.

í dag er síðasti miðvikudagur dvalarinnar og stefnan var því tekin á að heimsækja 7 söfn í borginni sem bjóða 'pöpulnum' frítt í heimsókn á miðvikudögum. norskan að drepa mann, en ég sparaði þó ca. 7x40 dkr.

halda þurfti vel á spöðunum til að ná 7 söfnum og útbjó ég því dagskrá í gær, sem miðuð var við opnunartíma og staðsetningu, en fyrsta safnið opnaði 10 og það síðasta lokaði 21, sjá hér (með linkum).

dagurinn sem senn er á enda kom einhvernvegin svona út:

1 Thorvaldsensmuseum - myndir
fagurappelsínugult hús sem tileinkað er landa mínum Bertel opnaði dyrnar sínar á slaginu 10. þetta var mjög góð skemmtun og ég verð að viðurkenna að hann hefur kunnað nokkuð til verka strákurinn.
Amor virðist hafa verið í miklu uppáhaldi hjá honum, hann var þarna út um allt, á öllum aldri, spilandi á hörpu, örina sína og á sjálfan sig og að leika með öllum hinum fyrirbærunum, Venusi, Mars og þeim. sömuleiðis var hlutfall naktra karlmanna vs. kvennmanna svolítið of hátt fyrir minn smekk. ég fer alltaf svolítið hjá mér þegar ég sé þessi litlu rómversku typpi.

2 Tøjhusmuseet - myndir
vopna- og hersafn borgarinnar er steinsnar frá Thorvaldsen og því var tilvalið að rölta þangað. það opnaði ekki fyrr en á hádegi og því gáfust nokkrar mínútur á milli til þess að teiga kaffið úr thermostatnum og horfa á nokkra fugla í bókasafnsgarðinum, en hersafnið er rétt hjá Fólksþinginu (sem er rétt hjá Thorvaldsen).
þegar inn var komið blasti við þessi aaaragrúi af byssum, hnífum, kanónum, rifflum, loftvarnableh og ég veit ekki hvað og hvað. það hefði mátt taka yfir litla Ísland bara með einum þriðja af sverðunum. þetta var óneitanlega ekta strákasafn, eins og sást þegar 2 skólahópar (danskur og pólskur) komu hlaupandi (strákarnir) og dragandi lappirnar (stelpurnar) er ég var að fara.

ég tók þetta vídeo af sjálfum mér að spila hermarsa á safninu - eins og sést átti ég mjög erfitt með að skipta um lag í safntölvunni.

3 Orlogsmuseet -myndir
er ég var að ljúka við að svala landstríðsfíkn minni hringir Íris í mig og drífur mig með sér að kjósa í þessum Alþingiskosningum, sem mér skilst að séu að skella á (hef reyndar ekkert orðið var við þær í fjölmiðlum heima ...).
það passaði fullkomnlega því flotasafn landsins er einmitt í leiðinni í íslenska sendiráðið, þarna niðrá Kristjánshöfn.
umgjörðin á safninu var reyndar svolítið íslensk og raunarleg, en þó var margt áhugavert og flott þarna að finna. enn var stríð rauði þráðurinn, enda þótt maður hafi fengið góða innsýn inn í líf danskra sjómanna um leið.

4 Kunsthallen Nikkolaj
þetta safn stóðst engan vegin þær væntingar sem undirritaður hafði gert sér til þess. ég er eiginlega feginn að batterýin hafi klárast er inn var komið, jah fyrir utan að mér langaði að taka mynd af einu bílflaki sem átti að hafa verið ferjað frá Írak (en gat eins verið af Norðurbrú).
sýningin sem nýverið var sett þarna upp fjallar semsagt um stríðið í Írak "The Return of The Democracy - destination: Írak".
þemað er svosem ekki slæm hugmynd, en framkvæmdin var allt of ... húlabúla við erum hinsegin, gerum gjörninga með olnbogunum!!?&%
þarna hafa svona listamenn fengið að ráða sem vilja svo ægilega mikið vera öðruvísi og fjarlægjast 'hefðbundin' listform, að úr verður bara bull. það lá við að ég hefði þóst vera spasstískur og farið að öskra og baða út höndum, svo ófrumleg voru frumlegheitin -"hey vá krakkar, vörpum vídjói af Bush og talíbana á klósettrúllur sem hanga niður úr gólfinu og setjum við hliðiná risamyndina af nakta svarta nauðrakaða manninum! far át, nei ég meina fnjepað skelurðu"

ég tók því bara stuttan hring um Kúnstnahúsið og fékk mér svo pulsu eins og hver annar þorpari á kóngsins nýtorgi. áður en batterýin kláruðust náði ég þó að taka myndir af safninu - sem er fyrrum kirkja, roma-harmonikkuleikurum á Strikinu og strætó með ESB fána flaktandi (til hamingju með ammælið ESB!).

5 Kunstindustrimuseet - myndir
dönsk hönnunarlist er sýnd í furðustóru húsnæði á Breiðgötu, sem er ekki langt frá Austurbrú. klukkan var ekki nema 15.45 þegar þarna kom við sögu, enda hafði Nikolaj heimsóknin tekið mjög stuttan tíma. sá ég mér því leik á borði og fór heim og sótti aukabatterý heima, fyllti á bjórnestið og skilaði af mér þermostatnum (ég veit, mjög norskt allt. við það er að bæta að í skápunum á safninu biðu mín 2x20 dkr, hahh, ölmonní!).
í safninu kennir margra skemmtilegra grasa og var farið yfir helstu tískur í húsgagnahönnun, með áherslu á dk. þarna var auðvitað hann Arne með eggið, auk þess sem ég fann Lögbergsstólinn fræga (þekktur sem Barcelona stolen utan Lögbergs).
er ég hafði villst inn í postulínsdeildina sagði önugur safnvörður mér að verið væri að loka (önugur því það var miðvikudagur og ekkert nema freeræderar að káfa á safnmununum), ég hafði skrifað hjá mér að það lokaði ekki fyrr en kl. 18 og missti því klukkutíma þar. sem betur fer var ég búinn með mest af 20. öldinni og átti bara 'gamla draslið' eftir - sem mér þótti síður spennandi.

6 Post og Telemuseum - myndir
Póst- og símasafnið lokar ekki fyrr en kl. 20 og ég hafði því góðan tíma til að litast þar um, sem betur fer. þrátt fyrir að nafnið hljómi ekki allt of fjöruglega var þetta hin besta skemmtun fyrir öll vit. sýningin spannaði samskiptasögu landsins og kom á óvart hversu fræðandi og skemmtileg hún var. fyrir utan reyndar frímerkjaherbergið, ekki alveg minn túnfiskur.
graskerakerra dregin af hestum, karl að skrifa bréf úr fangelsi, pönkari fyrir utan símaklefa, dagur í lífi símadömu (þær þurftu að vera ógiftar, vel talandi og geta lifað á litlu) lifandi járnbrautalestir og fleira kætir þarna augað og ég hvet alla til að kíkja við.

7 Dansk Design Center - myndir
í rólegheitum mínum rölti ég yfir á H.C. Andersen búlevard, á móti Glyptotekinu, til þess að skoða enn meiri danska hönnun. þetta var stutt og laggóð heimsókn þar sem gaf m.a. að líta tölvur, ryksugur, kaffikönnur, reiðhjól og símann úr Stellu í orlofi sem var til á hverju heimili heima á þeim tíma.
á efri hæðinni gaf að líta vinningshafa dansk design verðlaunanna í ár, þ. á m. tannlæknastól.

neðsta hæðin hafði að geyma flow-verslun, einkar áhugaverða. þar mátti kaupa innri frið, öryggistilfinningu, samúð og fleira skemmtilegt, í þar til gerðum lyfjaglösum, sprautum og flöskum. inn á milli voru plaköt með áminningum um misskiptingu auðs á jörðinni, hættum neyslusamfélagsins og þvíumlíkt. svona á að vera frumlegur, hugsaði ég.


þetta var hinn skemmtilegasti dagur og fór ég létt með að taka yfir 400 myndir. nú er svo komið að ég á bara eftir Afsteypusafnið og Músiksafnið til þess að hafa náð að plægja öll frísöfn og stundum frí-söfn borgarinnar.
markmiðið var auðvitað ekki að hlaupa í gegnum sem flest söfn á sem stystum tíma, en þessi 7 á einum degi eru vel gerleg. það hjálpar auðvitað að hafa einbeitingu gullfisks og vera af skyndikynslóðinni, þessari sem vill fá allt strax, drífa það af og henda því svo eins og tyggjói. þetta er samfélaginu að kenna.

stuttbuxur og regnhlíf

þegar á manni skella skin og skúrir er ekki annað að gera en að fara á söfn.

sósíalistarnir eru svo sniðugir að hleypa frítt inn í mörg söfn, fyrir þá sem vinna hvítt (eða ekki neitt, eins og undirritaður). skattsvikarar eru ekki velkomnir.

náði þremur söfnum í dag:

1. Statens museum 4 kunst, myndir. risastórt og mörg skemmtileg sýningin, klám/gorno þema í anddyrinu en að öðru leyti farið nokkuð vítt yfir helstu listaþemu síðustu alda.2. Fríheðsmúseet, myndir. stutt og laggott, ágætis afþreying en ekkert til að eyða miklum tíma í.
3. Nationalmuseet, myndir. þjóðminjasafn dana þar sem stiklað er á stóru í sögu landsins. sá reyndar ekki að Ísland hefði fengið sjálfstjórn eða -stæði. svo er þar stór sýning um "fólk jarðarinnar" eða eitthvað álíka, með grímum og styttum og drasli frá Afríku og Grænlandi - það var svosem ágætt.á miðvikudögum er svo frítt á enn fleiri söfn, morgundagurinn verður tekinn snemma.

yes you May 1st

af því að líf mitt er svona fram til 3. maí:

... hef ég ekki tíma til að tjá mig í orðum. hér er þó mynd sem segir nokkur orð í tilefni dagsins:

en bráðum, bráðum mun ég fara og skoða fegurð heimsins:

flottasti rumpurinn

alveg er ég áhyggjulaus yfir fegurðarsamkeppnum. ég hef jafn gaman af fegurð kvenna og næsti maður. ég er líka áhugamaður um fallega myndlist og byggingar, skemmtilegar bíómyndir og bækur.
ef fólk hefur þörf á því að láta horfa á sig eins og hvern annan sýningargrip, má það gera það.

stelpurnar sem taka þátt í þessu fá hins vegar ekki háa einkunn frá mér fyrir gáfnafar. ég veit það best sjálfur að gaman er að vera fallegur, og enn skemmtilegra að sýna öðrum það. en að þurfa að fara í keppni við aðrar manneskjur til þess að fá viðurkenningu á því - er ekki í lagi heima hjá fólki?

en, mér er sama hvaðan gott kemur. stelpur sem taka þátt í fegurðarsamkeppnum hafa væntanlega ekki vitsmunalegan þroska til að skemmast að neinu marki af þessu. kannski verst með ljósabekjaböðin - rosalega er þetta ristabrauðslúkk orðið þreytt.

ég vil þó viðra þá hugmynd að setja á fót keppni um flottasta rassinn. hún gæti jafnvel verið nafnlaus. keppendur gæti gengið um með poka á efri hluta líkamans og sýnt á sér afturendann í nær ósýnilegum þveng. ekkert áhugamála- og framtíðarplanayfirvarp, bara hreint og beint hver er með mest aðlaðandi rass.
fyrst menn vilja hafa gripasýningar á mönnum, af hverju ekki að ganga alla leið?


Kylie þarf engar viðurkenningar á aldraðri fegurð sinni, en er óhrædd við að græða á henni með aðstoð H&M:

förðuföglar

langar að tala aðeins um þrenns konar furðufugla.

1. pekingendur
þessi hér til hliðar sem við fundum í Hafnarfirði leit út eins og blendingur af gæs og svani. tengapabbi sagði aðspurður að þetta væri eflaust pekingönd.









2. svanir
snarbiluð dýr. þennan hér til hliðar fundum við í síki við Ameríkuplads. mikið rosalega öskraði hann þegar við dingluðum brauðsneið fyrir framan nefið á honum.
við reyndum að gefa honum útrunnið kókópöffs, en hann vildi það ekki. mávarnir vildu ekki einu sinni sjá það. segir kannski sitt um þennan óþverra.

3. danir
talandi um morgunkorn - baunverjar borða ekki jesú. og þá meina ég Cheerios, þjóðarmorgunverð íslendinga. hér fæst ekkert neme honní nötts sykurdrulluserjós.
reyndar getur maður keypt serjós í amerísku búðinni, Americana á Pétur Hvítfeldsgötu, sem liggur upp af Krystalsgötu í miðbænum.
75 kall fyrir lítinn pakka, takk fyrir. já, ég er svo mikið að fara að borga 5falt það sem ég myndi borga á Íslandi - höfuðlandi okursins. howdy!

Ómar Ragnarsson yrði ekki sáttur.