GAY! a gay musical

2. sería IT Crowd byrjar fjári vel.

í öðrum fréttum er að tómstundir eru ekkert skemmtilegar þegar maður er dauður:

klipið í smjér

annað hvort fór það fram hjá mér þegar hugtakið smjörklípuaðferð var kynnt til sögunnar eða ég var búinn að gleyma því - a.m.k. mundi ég ekki eftir þessu með köttinn.

en það er heilmikill literatúr til í kring um það.


meðfylgjandi loftbelgsbrandara fékk ég sendan um daginn, ég hafði áður séð hann á ensku, þar sem lögfræðingur var á jörðinni og "skjólstæðingur" í belgnum ... það gekk ekki nógu vel upp.

mun betur tekst til í íslensku þýðingunni þar sem búið er að breyta leikendum í tölvukall og stjórnanda:

Maður í loftbelg sá að hann var að missa hæð. Hann tók eftir konu á jörðinni, lækkaði flugið aðeins meira og kallaði til hennar: „Afsakið, geturðu hjálpað mér? Ég lofaði að hitta vin minn fyrir klukkutíma, en veit ekki hvar ég er.“

Konan svaraði: „Þú ert í loftbelg sem svífur í 15 metra hæð, milli 40. og 41. norðlægrar breiddargráðu og milli 59. og 60. vestlægrar lengdargráðu.“

„Þú hlýtur að vinna við tölvur“, sagði loftbelgsmaðurinn.

„Það geri ég“, svaraði konan, „hvernig vissirðu það?“

„Nú“, svaraði maðurinn, „allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér. Ef eitthvað er þá hefurðu helst tafið ferð mína.“

Konan svaraði: „Þú hlýtur að vinna við stjórnun.“

„Já“, sagði maðurinn. „en hvernig vissir þú það?“

„Nú“, sagði konan, „þú vissir hvorki hvar þú ert né hvert þú ert að fara. Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök.“

í ensku útgáfunni líkir lögfræðingurinn þeim sem er á jörðinni við skjólstæðing með þessum orðum: "Well," the man replied, "you don't know where you are, or where you are going. You got into your predicament through a lack of planning, and could have avoided it by asking for help before you acted. You expect me to provide an instant remedy. The fact is you are in the exact same position you were in before we met, but now it is somehow my fault."


myndin af stjórnandanum er af slate.com

gefa skít í þetta allt?

stjörnuspá mbl er ekkert að skafa utan af því fyrir okkur krabbafólkið:

Þú ert hæfileikaríkur. Gleymdu því sem ætlast er til af þér, og hlustaðu á rödd hæfileika þíns.

spurningin er hvort þetta ráð eigi bara við daginn í dag, eða hvort stjörnurnar vilji að maður taki þetta upp sem lífsmottó ... og ef ég er hæfileikaríkur, ætti ég ekki að geta hlustað á raddir hæfileika minna?

(myndirnar eru úr miðvikudagskeðjupóstinum)

miðvikudagsgrínið - lógó

tölvupósturinn með miðvikudagsgríninu bar að þessu sinni yfirskriftina "betra að passa sig við logogerðina":

spáin í dag

kuldi -8°C, vindur suðaustur 3 m/s, sólsetur um kl. 17.30.

"Í dag gerast hlutinir sem vanalega gerast aldrei"

segir stjörnspáin fyrir krabbamenn á mbl.

kannski ég sé staddur á svæðinu þar sem venjulegir hlutir gerast yfirleitt ekki?

endurreisn flámælis

ég var að hugsa um að hætta með þágufallssýkina (þgf.fjörið eins og ég kalla það) og taka upp flámæli.

"Það meiga aller heyra er samþekkja mett líflát að jég ir saklaus maðör, rangliga til döjða dæmdör af óréttvisöm dómara ir ikki gitur forsvarað verk sett ferir göðs hátegnarhásæte sim við mönöm báðer koma fram ferir, annar ferr en annar seinna, og mön okkar öppskera þá næsta mjög ólik virða."
(svo mælti Valtýr á grænni treyju)

kannski ég að haldi mig bara við fámæli ...

eureka sexý lag

The Cure - Close to me [úútúb].

það má alveg ræða þetta: dýnan að hoppa upp og niður með flautunni, þungur andadráttur, ryþminn, TROMPET!

þetta er alveg að fara að gerast, ooohh, ég sé það fyrir mér ...

Just try to see in the dark
Just try to make it work

I never thought this day would end
I never thought tonight could ever be
This close to me

eureka segi ég, því ég fann a.m.k. einhverja umfjöllun um þetta á netinu.

"about the little pangs and jitters of first love."
"imagining how good it would feel, but at the same time being terrified of that thing"

"not everything is about sex and masturbation people!!"

París að hausti

þá er maður búinn að stíga í hundaskít í París.á fimmt. var allra-heilagra-dagur og á föst. allra-sálna-dagur, þann fyrrnefnda var því haldið af stað í hinni nýju lúx-parís TGV (train à grande vitesse - vúúúmmm) kl. 06.40 og komið heim á sunnudag, kl. 18.30.
París venst, geri ég ráð fyrir, ef maður einsetur sér að stíga sem sjaldnast fæti á þessa venjulegu ferðamannastaði, verður ónæmur fyrir betlurum og aumingjum og kínverskum túristum, og vinnur bug á innilokunarkenndinni á fjölförnum götum og í metróinu.

reyndar voru sömu frídagar í Frakklandi og í Lúx, sem útskýrir mannþveitið að hluta.

fyrstu dagana var maður hreinlega úrvinda af óhreinindum, látum, áreiti, þrengslum, betli, pissulykt og endalausum röðum.

þetta var ekta túrhesta - með dýrum bjór, miklu labbi, túristastrætó, 318 myndum (maður heyrði hreinlega gígabætin fyllast við turninn, bogann, lúvrið og allt það), feitum ameríkönum og frökkum með bjánahúfur á höfði og crossjant í hendi.
í stað Eiffel turnsins fórum við upp upp í stærstu byggingu borgarinnar, Montparnasse, í hröðustu lyftu Evrópu, og horfðum yfir París í lélegu skyggni.





það var talsverð aðför að betlurum, götusölum og -málurum í gangi þessa daga, kannski er þetta eilíft stríð. í það minnsta var ekki óalgengt að sjá hóp af sígaunastelpum eða blökkustrákum hlaupa burt og veifa til fallinna félaga úr mátulegri fjarlægð.

10 litlir blökkustrákar
borguðu ekki skatta
löggan böstaði tvo þeirra

þá voru eftir átta

annars var þetta ósköð venjuleg Parísarför, grísk matseld, enskar bækur í Sjeikspír búðinni, haagen-dasz ís, belgískur bjór, crépes og okur.



við höldum okkar striti.

tannkrem í morgunmat

ólíkt Hugleiki, er Waldo, sem teiknar meðfylgjandi myndir, ágætlega fyndinn.

***

hann var á undan mér, útlendingurinn hann Martin, sem af einhverjum ósköpum er kallaður Halli, að fá sér lénið Hal.li - notaði það í að telja niður sekúndurnar í brúðkaup sitt og Connýar (sem er þroskaheft að því er virðist).

svo var það finninn sem stofnaði súpermarkaðinn Halpa-Halli, eða Halli hjálpa!

blóð

eftir 3 mánuði mun ég gefa blóð í 20. skiptið í uppáhaldsbankanum mínum, þeim eina sem ég borga glaður með blóði mínu fyrir gúrkusamloku og kaffisopa. lífið er wúnderfullt þegar maður gefur blóð.

* af hverju gefur fólk blóð?
er fólk að reyna réttlæta tilveru sína í samfélagi manna og hugsanlega notkun sína á blóðhlutum í framtíðinni (eins og Kolviður)?
eða finnst því bara flippað að láta dæla 450 ml af sjálfum sér í poka og labba svo burt? er þetta e.t.v. einhvers konar sósíalismi?
er það kannski smáborgaraleg karlmennskuraun að láta stinga sig með risanál, eða bara gamaldags blót?

* hvar er jafnréttisstefna Blóðbankans?
hundraðshöfðingjar verða menn er þeir hafa gefið blóð [100] sinnum og fá þeir þá nafn sitt skráð í blóðsögubækurnar. karlmenn mega gefa blóð á 3 mánaða fresti og geta því náð þessum áfanga á 25 árum, með góðri mætingu.
konur missa mánaðarlega blóð af náttúrunnar hendi og mega því aðeins gefa á 4 mánaða fresti. það tekur konu þess vegna 33 ár að verða hundraðshöfðingi. byrja má við 18 ára aldur að gefa blóð og því getur kvenblóðgjafi fyrst náð því markmiði við 51 árs aldur, en karl 43.

nánast ómögulegt er að halda stífri gjafadagskrá í 25, hvað þá 33 ár. hámarksaldur er 60 ár og kynin hafa því 9 og 17 ár upp á að hlaupa. margir þurfa jafnframt frá að hverfa fyrir aldur fram vegna hás blóðþrýstings og annarra vandamála.

allir 57sem hafa náð 100 gjöfum hingað til eru karlar, enda hafa þeir 10 árum lengri tíma en kona sem eignast 2,1 barn fyrir sextugt.

það væri í raun eðlilegast að konur yrðu hundraðshöfðingjar eftir 75 gjafir - sem er sá fjöldi sem þær geta hæst náð með því að mæta af fullum krafti í 25 ár, og þá eru barneignir ekki teknar með - karlar hefðu enn forskot.

ég myndi leggja til nafnið blóðynjur.

* hvar eru karlkyns blóðhjúkrunarfræðingarnir?
blóðþrýstingurinn hjá karlmönnum mælist víst hærri en venjulega, þegar kvenkyns hjúkkur mæla hann. konur eiga alveg skilið sambærilegan bónus á blóðgjafir sínar - þótt ekki væri nema bara nokkur playgirl blöð til að fá blóðið af stað.

Oh I may not be the brightest

það er erfitt að harma júróvísjón árangur Íslands. svolítið eins og íþróttir fatlaðra -> ótrúlega gaman hjá keppendunum örugglega, en þeir eru samt þroskaheftir flestir (sumir eru reyndar bara að feika það) og manni er nokk sama hver vinnur.
ég er aftur á móti hægt og hægt að taka Frakkland í sátt. tungumálið þ.e.a.s., ekki fólkið almennt eða menninguna. aftur, svolítið eins og fatlaðir -> alveg krúttlegir og þeir gera sitt besta, en eru samt yfirhöfuð greindarskertir (ekki illa meint gagnvart fötluðum, margir minna bestu vina eru fávitar!).

enska með franskri röddu er nefnilega svolítið flott. verst hversu fáir frakkar geta talað hana. nýja uppáhalds 'get real' /' ég er bara svona', útúrsjúskaða sækó franska söngkonan mín er sú sem fer fyrir Soko.
það sem verra er - ég er líka að fíla svolítið þessa Kelis með lagið hennar lil'star:

There is nothing special about me
I am just a little star
If it seems like I'm shining it's probably
It's probably a reflection of something you already are

hún er ekta svona sæt pródúseruð dúkka, fjöldaframleidd og fljótframreidd, mmm.. eins og tyggjó með kóla-bragði.

privat badebro

ýmislegt sem gera má sér til dundurs.
grænir og fallegir almenningsgarðar, strendur þar sem drekka má bjór, svo er hægt að drekka bjór á kaffihúsum, á hjólinu, úti á svölum ...

maður þarf þó ekki að húka í köben til þess að stunda strendur, sólböð og bjórþamb. í stundarfjarlægð eru fleiri strendur, garðar, bekkir og þar frameftir. hef verið að skoða enn betur vesturbrú, íslandsbryggju, hellerup og charlottenlund, og ég er rétt að byrja.

mynd 1 tók ég í gær á ströndinni, nr. 2 er af skugganum mínum að drekka bjór og sú 3. er af Frúarkirkju, úr bókinni Köbenhavn - skitsbog, e. William Black frá 1935.

Then I think I'll name you after me

I think Ill call you appetite

það er alltaf eins og blaut nostalgíutuska í andlitið að finna nýjar myndir frá Tékklandstímanum. þessar rakst ég á hjá hollendingunum Anne og Eveline.

ahh, hver man ekki eftir fyrsta skiptinu sem hann kveikti í sínum eigin absinth-skotum?
eða Blueberry-klúbbnum sem var opinn í heilan mánuð á nám. Svobody 17 í Brno vorið 2006, en aðeins heimsóttur á brit-pop mánudögum?
I found my thrill / I lost my grill
on Blueberry hill
the moon stood still
on blueberry hill
- sjá jútúb

allerdings völlig im Dunkeln

ég er alveg über jÿtter fleipaður þessa dagana,


kominn á ystu nöf vegna ritgerðarskrifa.

inn um gluggann sé ég öskrandi sólskinið berja á litlum skökkum grænlendingum. fyrst koma tveir skellihlæjandi að selja heimilisleysisblaðið, og í kjölfarið lítil hölt kona að safna peningum í rauða kaffikönnu. hún labbar hægar en karlarnir tveir, sem eru alveg út úr heiminum.
nokkru síðar kemur blihiindfull eldri útigangskona, ekki grænlensk nota bene, í bleikum samfestingi, með bleika húfu og bleikt blóm í hárinu.

síðustu dagar hafa m.a. farið í að skoða ystu kima kanadískrar og nýsjálenskrar réttarframkvæmdar og þýskt lagamál.

ég er ekki frá því að ég sé farinn að tala ágætis þýsku (og aldrei að vita nema það komi sér vel seinna á þessu ári?). Hypothetischen Ersatzeingriff? Beweisverwertungsverbot? grund vallar atriði.

bráðum ætla ég mér að ljóstra því upp hvað það var sem kveikti hjá mér áhuga á ritgerðarefninu. en þangað til má ég til með að birta hérna hvernig forsíðan á ritgerðinni myndi líta út, fengi ég að ráða:nei, auðvitað heitir ritgerðin mín ekki þessu nafni.

allt hefur orsök

reglan um næga orsök (le principe de raison suffisante).

forsenda: ekkert getur gerst án þess að eitthvað valdi því.

líklegra er að eitthvað gerist á þennan veginn eða hinn vegna einhvers ákveðins, frekar en fyrir algjöra blinda tilviljun.

"Wow! I wonder what killed them."
"From the looks of it, I'd say starvation."

determinismi

eftir að eðlisfræðingar fóru að koma með tilgátur og útskýringar á öllu hér í heiminum, örvæntu heimspekingar. öll misterían, óreiðan og flækjur alheimsins gátu nú verið útsýrðar og dregnar saman á stærðfræðilegan hátt í nokkrar jöfnur. hvort áttu heimspekingar að afneita t.a.m. lögmálum Newtons, eða viðurkenna að þeir væru ekki annað en flóknar vélar, og sem slíkar aðeins litlar einingar í heildarverki heimsins?


martröð Comptons

játi maður determinisma að fullu, fellur maður fljótlega í martröð Comptons. ef allt í heiminum frá stjörnum niður í minnstu atóm er fyrirfram ákveðið, er þá nokkuð til sem heitir frjáls vilji? er ekki allt fyrirfram ákveðið af lögum eðlisfræðinnar hvortsemer?

samkvæmt martröðinni gæti maður lent í því að semja sinfóníu í klassa Beethovens, af þeim sökum að maður drakk kaffi en ekki te 4 dögum áður.


***

við að reikna út líkindin á að slíkt gerist eða hafi gerst verðum við auðvitað oft að reiða okkur annars vegar á þekkingu okkar og hins vegar viðurkenna eigin vanþekkingu.
þótt við séum með 6 hliða tening og getum útilokað að þrjár hliðar hans veiti rétt svar, er það samt tilviljunum háð hver af hinum 3 hliðunum kemur upp þegar við köstum honum.

***

vorið er komið hér í köfen, enda hef ég drukkið slatta af vatni upp á síðkastið og verið þurr á höndunum. samhengið og sambandið á milli er líklegt.

***
But thanks for keeping the rabbits while I’m away
Thanks for keeping the rabbits I’ll come back today

californiaaaaa

ætli maður sé með Stokkhólmseinkennið ef maður vill helst ekki hætta að vera í skóla?

tjah!

sú löngun er a.m.k. mjög almenn. hins vegar bý ég yfir sérstökum vilja til þess að a.m.k. klára þessa ritgerð.

og þið vitið hvað sagt er:

lex specialis derogat generali

***

ég á vinkonu sem er frá landi jólasveinsins. ég ætla að tala um hana án þess að hún fatti það, því verð ég að tala svolítið óskýrt. hún skilur nefnilega sænsku.

ég hitti hana þegar ég var nýlentur í landi tékksins - internetið var í ólagi hjá okkur báðum og við biðum fyrir utan hjá tölvulúðanum. heilsuðumst og komumst að því að við vorum bæði frá Norðurlöndum. vorum bæði skiptinemar við lagadeild (þeir voru ca. 10 samtals). áttum bæði betri helminga í festum heima (sister in pain hugsaði ég með mér).
bæði tókum við virkan þátt í félagslífinu - héldum auðvitað uppi heiðri norðurlandabúa við ýmis tækifæri.

en svo fór hún að gera hosur sínar grænar fyrir strák frá Hægeníu. það endaði með því að hún dömpaði kærasta sínum til margra ára og hefur lifað hamingjusöm síðan þá með hægenanum. gott hjá henni. ég missti auðvitað þjáningarsystur, en þetta var barátta sem ég þurfti að takast á við einn. ég held ég hafi líka verið aleinn - sambönd brotnuðu eins og ég veit ekki hvað allt í kringum mig, í lastabælinu sem var heimavistin þar sem ég bjó.

góð stelpa. aðeins of dramatísk. líkist svolítið stelpunni úr Appelsínusýslu, þessari sem dó. bloggar hér á útlensku.





þessi enski karlrembu (?) texti er úr bandarískum dómi frá 1875, sem varðaði fyrstu konuna sem vildi verða lögfræðingur þar á bæ.
jedúddamía.

Takk fyrir mig

ég er þakklátur fyrir:
- að vera ekki með húðjúkdóm, kynlífssjúkdóm, frunsu, flensu eða offitu;
- að vera ekki með mígreni, magakveisu, dyslexíu eða þroskahömlun;
- að vera laus við hverskonar mataróþol, athyglisbrest og einmannleika;
- að hafa fæðst í þjóðfélagi sem hefur veitt mér tækifæri til að mennta mig, ferðast og vera ég sjálfur, kynnst skemmtilegu fólki og leiðinlegu fólki. æ blessaða leiðinlega fólkið.

heimalandið mitt hefur reyndar sína galla, það virðist stundum uppfullt af fordómafullum fávitum með hor, en skemmtilega skýra fólkið sem kann að hlæja og kveikja í manni með áhugaverðum umræðum bætir það alveg upp ef maður spáir í því. svo mætti sólin skína meira og appelsínur vaxa á trjánum - og hvað er málið með allar þessar brekkur?
ég hef líka einn eða tvo galla - get t.d. verið svolítið óþolandi, en það truflar mig lítið. svo væri ég til í að vera grænmetisæta - set mér það sem langtímamarkmið.

held það sé ágætt að lifa - hef reyndar aldreið prófað dauðann.

... fólk nöldrar ekki nógu mikið yfir því sem það er ánægt með ...
---------

... en Arngrímur Ísberg dómari sagði: "Það verður ekki deilt við dómarann, [...]" - gott svar.

the cat ate my computer mouse

jæja við fórum loksins á Glyptotekið og Hviids Vinstue, 2 merkustu staði borgarinnar, áðan.
15 söfn eftir á listanum, og nokkrir barir. sérstaklega langar mig á fílinn og músina á Nörregade - minnsta bar Hafnar.

í öðrum fréttum er að ég drakk í gær grænlenskan jólabjór, úr vatni sem hafði verið frosið í 180.000 ár áður en bruggað var úr því. hann var virkilega góður og alveg þess virði að pung'út 35 kr. fyrir honum á útsölu í Nettó (sjá fyrir og eftir myndir). þetta var dökkur 5% bjór með ávaxtakeim, minnti mikið á belgískan "munkabjór" - mér er það algerlega óskiljanlegt að Grænlendingar ætli að binda framleiðslu hans við jólavertíðina eingöngu.







hér er annars farið að kólna, og því gott að þurfa að hanga inni við ritgerðarskrif.


það er í raun búið að vera haustveður í Khöfn síðan um miðjan október og hefur verið tilvalið að fara í rómantíska hjólatúra um borgina - hér eru garðar út um allt í nágrenninu, í görðunum vötn og á vötnunum endur, sem þiggja brauð gærdagsins með þökkum.
vil deila með ykkur fallega laginu Kóngulóarinnar Vefur e. Kötu Melúa.