Hinn danski Horizont á DR1 um "ástandið"

þátturinn hér að neðan var sýndur í gærkvöldi á DR1, Egill Helgason að tala um partý sem kláraðist og hvernig fólk muni núna einungis geta starfað í ál- og fiskiðnaði, fjallað er um húsnæðislán sem hækka um fleiri þúsundir á milli mánaða, þá staðreynd að allir Íslendingar (með tölu!) tóku lán í frönkum og jenum, allir keyptu sér bíl á lánum og eyddu langt um efni fram, atvinna sé af mjög skornum skammti en þeir sem fengið geta séu í þremur vinnum, engir peningar séu eru eftir á landinu og bölsýni ríki, svört eins og nóttin - þetta er draumurinn sem breyttist í mareridt.

ekki skemmir fyrir að hafa fullt af myndskeiðum af ógurlegu hrauni, hestum, veðurbörðum rollum og hrikalegu íslensku roki og brimróti til að undirstrika hvernig ástandið er. svo talar enginn íslendingur skandinavísku, það er alveg ljóst. 

úff, ég vissi hreinlega ekki að ég hefði það svona slæmt. þetta er kynningin á dr.dk:

Island - et land på kanten af bankerot

Først lignede det et økonomisk mirakel, men nu advarer den islandske statsminister om, at landet kan gå fallit. Var det grådighed, der ramte det lille land i Atlanterhavet? Og hvordan kan det gå til, at et helt land løber tør for penge?

aðrar fréttir að utan eru í svipuðum dúr, t.d. er greinilega ekki hægt að nota kreditkort lengur hér á landi: 

Den islandske økonomi er nu gået så meget i i baglås, at de betalingskort som Visa/dankort ikke længere kan bruges på øen.

fínir þættir annars inn á vefsíðu Horisont, en þátturinn "handler om den verden, Danmark er en del af, og giver indblik og overblik til at forstå aktuelle begivenheder med betydning for os."

föstudagslagið: Oh Darlin'

Oh! Darling, please believe me

I'll never do you no harm

Believe me when I tell you

I'll never do you no harm

Oh! Darling, if you leave me

I'll never make it alone

Believe me when I beg you

Don't ever leave me alone

When you told me you didn't need me anymore

Well you know I nearly broke down and cried

- Bítlarnir

ástandið gæti verið verra

skv. þessari töflu (smella til að stækka) erum við ekkert svo langt frá Noregi og erum að upplifa minni lækkun en Maltverjar á blessuðum húsnæðismarkaðnum.

ungur maður frá Eistlandi sagði mér á dögunum að uppsveiflan þar hefði verið álíka og hér - ég vona að við séum ekki að fara sömu leið og þeir kreppulega séð.

ég sakna Danmerkur af listanum, baunverjar slepptu sér algerlega í lánum og húsbyggingum og hafa goldið það dýru verði.

nýjustu fréttir þaðan eru að mörg hús í uppahverfunum sem byggð voru upp m.a. á Íslandsbryggju og á Amerikaplads (skuggahverfi skástrik bryggjuhverfið í Garðabæ) séu nú til sölu með verðvernd - ef fasteignaverð lækkar enn meira eftir að maður skrifar undir kaupsamning, lækkar kaupverðið afturvirkt.

mér finnst það bara soldið sniðugt...

beary white

ískaldur ísbjörn

ótrúlegar fréttir af pólbirninum, sérstaklega þessi neðsta:

Innlent 03. jún. 2008 11:40

Óvíst að til séu lyf sem duga á björninn

Sigurður Þráinsson, líffræðingur hjá umhverfisráðuneytinu, segir ekki ljóst hvort hér á la...

Innlent 03. jún. 2008 10:41

Búið að finna ísbjörninn

Lögreglan á Sauðárkróki hefur haft uppi á ísbirninum sem fregnir höfðu borist um að hefði ...

Innlent 03. jún. 2008 10:44

Vonast til að ísbjörninn fái að lifa

Árni Finnsson, formaður Náttuverndarsamtaka Íslands, segist vona að mönnum beri gæfa til a...

Innlent 03. jún. 2008 10:19

Lögreglan leitar ísbjarnar

Lögreglan á Sauðárkróki er nú á leið upp á Þverárfjallsveg þar sem hún leitar ísbjarnar. H...

Innlent 03. jún. 2008 07:50

Tekinn ölvaður, dópaður og réttindalaus undir stýri

Lögreglan á Suðurnesjum tók ísbjörn úr umferð í nótt þar sem hann reyndist vera undir áhri...

heimsending

ég passa mig á því að biðja aldrei um heimsendingu þegar ég panta mér mat og mér finnst satt að segja stórfurðulegt að vera boðin ragnarök í hvert skipti sem ég t.d. panta mér pitsu.

myndin hér að ofan hefur lengi fylgt einu af mínu uppáhalds internet-orðtiltækjum: að rífast við fólk á internetinu er eins og að keppa á Ólympíuleikum fatlaðra.... sama hver vinnur, þú ert áfram þroskaheftur.

nú liggja danskar konur ...

"Snart kan kvinder, der ikke har lyst til sex, spise en pille, der vil gøre dem kåde."
segir á Avísen.dk.Ríkisspítalinn danski ku vera að leita að sjálfboðaliðum til að prufa þessa nýju pillu.ég held að það þurfi að huga að því strax að aðlaga kynferðisbrotaákvæði hegningarlaganna að þessu framtíðarlyfi, og hugsanlegri misnotkun þess:
196. gr. orðist svo:
"Hver sem hefur samræði eða önnur kynferðismök við mann sem heldur ranglega að hann sé kátur eða er í þeirri villu að hann vilji eiga mök við einhvern skal sæta fangelsi allt að 6 árum."

um þetta vildi ég ekkert sagt hafa ...

nýju umferðarskiltin:

Svartur sunnudagur
Óhugnalegt...
Svartur Sólarhringur
Morð í Reykjavík
Óhugnanlegt!!
Hroðalegt atvik
Morð
Skotárás.
Hræðilegar fréttir
Hræðilegt
SVÖRT HELGI
Mín dýpsta samúð
Stórborgin Reykjavík
Ömurlegar...
Sorgleg endalok.
Samúðarkveðjur.
Hvað getur maður sagt ?
Óhugnarlegt
Sorglegt

- mbl.is

ætla stjórnvöld að horfa aðgerðarlaus á?

er ekkert heilagt fyrir þessu fólki utan af landi?

getur maður ekki lengur gengið óhultur um borgina og keypt sér dóp?

hefðu mislæg gatnamót komið í veg fyrir morðið?

hvenær á að stöðva tölvuleikjaofbeldisvæðingu unglinga?

eins og ein á mbl.is sagði: Hærðilegt, bara hærðilegt

sannleikurinn um Pravda / nepravda

hérna er myndin sem ég tók af gamla lessalnum í gær. hún er ekki alveg jafn stór og sú svarthvíta, en sýnir vel hvernig salurinn hefur fengið að halda sér. annað en Austurstræti 22, sem var gjörbreytt frá því sem það var upphaflega. krókódílatár yfir þeirri aumu byggingu.


svo var ég að finna fréttir frá 23. ágúst 1969, frá því þegar Tékkóslóvakar söfnuðust saman til að minnast ársafmælis vorsins í Prag. einn drepinn í minni gömlu heimaborg Brno. þetta hefur verið alveg ægilegt.

"Fate is never too generous—even to its favorites."

kláraði nýlega að lesa bók eftir austuríska gyðinginn Stefan Zweig, Den evige Broders Øjne. hafði áður lesið hana í íslenskri þýðingu - hún er betri á dönsku.
merkileg saga sem fær mann til að hugsa, samt aðallega um það hvað aðalpersónan, Vitara, er mikill vitringur en um leið algjör auli. óheppnin eltir hann í formi auga bróður hans sem Vitara hafði orðið á að drepa og honum gengur æði erfiðlega að lifa í sátt við og án þess að valda öðrum mönnum skaða. Manntaflið hans Zweig er með eftirminnilegri bókum sem ég hef lesið, en hann missti sig svolítið þegar hann fór að skrifa helgisögur.

Zweig var ekki sá heilbrigðasti sjálfur og hann lést fyrir sjálfs síns hendi í Brasilíu eftir að hafa flust þangað í WWII. hann var handviss um að nasistar ættu eftir að taka yfir heiminn og væru á eftir honum persónulega. konan hans var fór með honum í þessa síðustu ferð.
“The idea of Jewish unity, of a plan, an organization, unfortunately exists only in the brains of Hitler and Streicher.”
Against my will, I became a witness to the most terrible defeat of reason and to the most savage triumph of brutality ever chronicled ... never before did a generation suffer such a moral setback after it had attained such intellectual heights.

you will find the Tommies behind the lines - with your wives

við lestur á ársskýrslu stjórnar Orator í 4. tbl. 58. árg. Úlfljóts rann/rifjaðist upp fyrir mér að hafi verið umsjónarmaður tölvuvers og auk þess, ásamt henni Dabbý corporate lawyer bi$#, námsráðgjafi Orator, skólaárið 2004-5.

umsjónarmaður tölvuvers, er það ekki (ó)bein leið til þess að kalla mig tölvunörd?

... hver segir svo að ég hafi ekki verið félagsmálatröll...

***

við Lilja fórum á Viet Nam, veitingastaðinn hér rétt hjá sem Hrannari þykir svo vænt um. fengum okkur m.a. nautakjöt á teini, vafið utan um ananasbita. þegar þetta var snætt með hrísgrjónum og rosalegri kókossósu varð úr þessi svakalega veisla í munninum. tvímælalaust þess virði að prufa.

***

ég keypti nýverið bókina Behind Enemy Lines: WWII Allied/Axis Propaganda á 30 kr. danskar. margar skemmtilegar myndir og textar. þessari sem birtist hér var t.a.m. ætlað að draga úr þrótti breskra hermanna á vígstöðvunum með því að telja þeim trú um að kanarnir væru að punda konurnar þeirra heima í Bretlandi.
áður hafði frönskum hermönnum verið sagt það sama um bresku félaga sína.

skækjan ESB

að ná til himna
rakst á þessar skemmtilegu myndir á ókunnri bloggsíðu, ásamt spurningunni

"Getur einhver útskýrt fyrir mér afhverju evrópuþingið er eins og hálfkláraður babelsturninn í laginu?"

í kommentakerfi var bent á þessa mynd sem gefin var út af Leiðtogaráði ESB (European Council), en síðar dregin til baka vegna trúarlegra mótmæla:

en svo kom í ljós að þessu var öllu stolið af lesendabloggi Vg blaðsins í noregi - þaðan sem þetta er eflaust fengið að láni annarsstaðar frá.

ég held að húsið hafi viljandi verið byggt eftir fyrirmynd ókláraðs Babýlonsturns, til merkis um að ekki sé ætlunin að sameina Evrópu undir einu tungumáli eða skipa sambandinu á sess með Guði. það á ekki að ganga alla leið eins og Babýlóníumenn (eða mannkynið allt) hugðust gera, þegar þjóðir heims töluðu einni tungu.
eins og menn vita reif Guð niður Babýlónsturninn og sundraði með því tungumálum heimsins.

móðir hórkvenna
einnig hefur verið bent á styttu fyrir framan Leiðtogaráðið (eða ráð ESB) af Evrópu á nautinu - segja sumir að þarna sé í raun komin vísun til 17. kafla opinberunarbókar Nýja Testamentsins, skækjan mikla:

Og konan var skrýdd purpura og skarlati, og var búin gulli og gimsteinum og perlum. Hún hafði í hendi sér gullbikar, fullan viðurstyggðar, og var það óhreinleikur saurlifnaðar hennar. Og á enni hennar var ritað nafn, sem er leyndardómur: Babýlon hin mikla, móðir hórkvenna og viðurstyggða jarðarinnar.

... ég ætti kannski að senda þeim á heimssýn.blog.is þessa speki? ætli Steingrímur J. viti af þessu?

gleðilegur janúar

get ekki mælt nógu mikið með Black Books, sem finna má á tv.peekvid.com - yndislegir þættir. ég hef mig þó grunaðan um að vera með eilítið bæklaðar hláturstöðvar, því mér fannst Skaupið 90% ekki skemmtilegt þegar ég kom heim kl. 6 á nýársmorgun (áfengið hjálpaði til við þessi 10% sem voru fyndin), og Borat ekki heldur í nýársþynnkunni.




sá í fréttum að vont veður hafi riðið yfir á nýársdag. er ekki frá því að ég hafi vaknað við það og sofnað svo aftur. nýárið er búið að vera fínt.


þjóð Svía sótt heim á morgun, Ystad og Malmö
óska Saddam til hamingju með að vera dauður. ég er jafn furðu lostinn og aðrir á því að ríkisstjórn Íslands og SÞ hafi ekki fordæmt aftökuna, eins og þessir aðilar eru nú duglegir að fordæma aftökur almennt, annarsstaðar í heiminum.
já - hengingin kom eflaust í veg fyrir að fjölmargir glæpir hans gegn mannkyninu yrðu upplýstir, hann var búinn að vera svo samvinnuþýður hingað til - einmitt.

átti hann ekki annars syni sjö, sjö syni átti Saddam - við getum kannski spurt þá hvaða fleiri mannillskufræjum hann sáði, hann sáði?

hjörð af ormum

að fordæmi Særúnar fór ég í gegnum Morgunblaðið á Tímarit.is, til að sjá hvað bar hæst í þjóðfélaginu þegar ég fæddist.

föstudaginn 25. júní 1982 (ár aldraðra) sagði á forsíðunni að Halli væri á togaraútgerð í Noregi. á þeim tíma var ekki vitað að Halli væri einnig á Landspítalanum við Hringbraut - enda hafði ég ekki fengið nafn ennþá.



innar í blaðinu er frétt um skólaslit Stýrimannaskólans og fylgdi með mynd af ungum Guðjóni Ármanni Eyjólfssyni skólastjóra, sem 23 árum seinna átti eftir að verða samstarfsmaður nýfædds drengs sem lá þá í kassa á Landspítalanum.



í einu sérblaðanna mátti sjá auglýsingu í lit fyrir það nýjasta á markaðnum þá dagana, sykurlaust TAB (sem við sem ekki ólumst upp við DuranDuran þekkjum helst úr Stellu í orlofi).


enginn Velvakandi var í föstudagsmogganum 25. júní, en daginn eftir birtist þar bréf frá Maríönnu nokkurri, sem sagðist vinna í unglingavinnunni og fá þar 19,34 kr. á tímann. sagði hún það ekki rétt sem hafði komið fram í Velvakanda nokkru áður að krakkar í unglingavinnunni lægju bara í leti. athyglisverðast við bréfið finnst mér myndin sem fylgdi, af 4 fallegum yngismeyjum, klæðalitlum að raka gras. hefur eflaust orðið til þess að ýta undir jákvæð viðhorf gagnvart Maríönnu og vinnufélögum hennar.


í sama blaði má finna frétt um að á fæðingardaginn minn hafi fylking grasmaðka stöðvað lest á Mið-Ítalíu. ég prufaði að leita að þessu á Netinu en fann ekkert. mig grunar að þetta hafi verið þaggað niður af ríkisstjórn landsins.






í bíóhúsunum mátti velja milli margra stórkostlegra kvikmyndalistaverka, og má þar nefna Jón Odd og Jón Bjarna, Hold Geira (Flesh Gordon - einnig þýtt sem Hvell Geiri), Ránið á týndu örkinni (Raiders of the lost ark), Geðveika morðingjann (Lady, stay dead) og Valkyrjurnar í Norðurstræti (North Avenue Irregulars).

hófaðu þig niður

um leið og ég skammast mín þegar ég heyri sögur af heimskum, fordómafullum og óhjálpsömum íslendingum, sbr. Frjálslyndaflokkinn, Þingvallaafleggjaramálið og sögur á borð við þær sem bornar eru fram í jólajóla G. Steingríms og jólahugvekju Auðvaldsins.

... þá fyllist ég um leið svolítilli eigingjarnri gleði við tilhugsunina um annarra manna heimsku - því mér finnst ég svo frábær í samanburðinum við þetta heimska og vonda fólk.

en margur heldur líka mig sig.
***

ég er almennt fylgjandi forsjárhyggju (litli VG-maðurinn í mér), en mér finnst hún verða að vera í hófi.



lögþvingun til bílbeltanotkunar, bann við því að heimskingjar nefni börnin sín Drullupussa, jafnvel bann við notkun transfitusýru í skyndibitamat og jákvæð mismunun - þetta getur allt verið OK, málefnalegt, réttlætanlegt og hipp og kúl.

en hóf, eins og almenn skynsemi, virðist vera hverfandi kostur víða í heiminum (og hefur verið frá örófi alda). e.t.v. er þetta sérstaklega hættulegt í litlu samfélagi eins og á Íslandi, þar sem einstaka manneskjur geta stundum tekið ákvarðanir sem mikil áhrif hafa á samfélagið, einar síns liðs án þess að ákvarðanirnar lendi undir mikilli rýni annarra. óheft frjálst flæði hugmynda gæti maður sagt.

Lýðheilsustöð hlýtur að vera lang lang besta dæmið um þennan hófskort.

• berjast fyrir afnámi sykurskatts af vatni?
• leita leiða til að gera nikótínlyf ódýrari en sígarettur?
• hvetja til drykkju á sykurlausum drykkjum?
• beita raunverulegri fræðslu um kynlíf í stað forvarna?
• hvetja til skynsamlegrar, í stað minni notkunar á áfengi?

neiiii, það verður alltaf að fara alla leið! og helst að þeir sem ákvarða stefnumörkunina hafi sem strangastar og einstefnulegastar skoðanir á viðfangsefninu. kynlíf? ógeðslegt. áfengi? leiðir bara til misnotkunar. þeir sem drekka mjólk eru líklegri til að drepa hvolpa en þeir sem ekki drekka mjólk. meirihluti þeirra sem sprauta sig með benzíni hafa prufað áfengi.

fólk sem hefur það hlutverk að hugsa fyrir okkur hin sem erum of heimsk, hefur tilhneigingu til að vera jafnvel heimskara.

***

ef maður er ekki sammála einhverju, þá er maður ósammála.
ef manni er ekki sama um eitthvað, þá er manni ósama!?!

helvítið hann BinLaden eyðilagði það orð. er það ekki óbein atlaga að íslenskri tungu? málfræðihryðjuverk?

óbærilegt hversdagsleysi próftíðar

þegar maður les undir próf þá gerist ekki margt áhugavert á meðan. þessvegna er nauðsynlegt að detta í drykk, eða í mat eins og ég lenti í áðan - æðislegt að vera rifinn úr dómi læris yfir í kássu.

ég fékk einu sinni að sjá hjá fyrrum rekstraraðila central.is hvernig traffík á bloggsíðum eykst rooohoosalega þegar líður að prófum. það er einfaldlega vegna þess að allt verður athyglisvert og skemmtilegt þegar maður er límdur við bækurnar.

í dag í Júrahúsinu:

- bananar sem hafa fengið að sitja of lengi geta farið að gerjast - það sveif á mig af bananaáti í dag.

- gamall grískur (?) maður sem situr oft á lesstofunni en horfir aðallega út í loftið. fer stundum í tölvustofuna og það kemur fyrir að konan hans sé með honum og þau tala og tala á grísku (?). mig grunar ekki gvend.

- hommalegi (metro?) gæjinn sem er alltaf að líta til mín. hvað á maður að gera - líta illilega á hann? heldur hann þá að ég sé að spila hard tú get? taka með sér klámblöð í skólann? óþægilegt!
... Gústi? (ekki orð frá þér Hrannar!)


súrleikinn að éta mann:
* peanut butter? penisbutter and jelly (hoho fyndið);
* the death row phenomenom? something like a phenomonem ...
* ban against torture? turtles! teenage mutant ninja torture! (vissuði að það kæmi Turtles mynd í mars? trailer)

- símafyrirtækið mitt (Sonofone - so-no-fón-4-u) rukkar mig fyrir að hringja þótt það svari ekki! þarf að betala fyrir 30 sek. símtal án þess að segja stakt orð!
svo ég tali ekki um þessa konu sem segir: dú har nú minna en fimm og túve króner tilbage på din kontor áður en símtalið byrjar - so what? f**in bids.

- hér er hjólaljósaskylda frá 16:00-7:49, sharp! ekkert múður. ég er með drulluflott hjólaljós - ætli það sé jólahjól, damm damm damm?

- jafnvel ruslpóstshólfið mitt er áhugavert þessa dagana. það hefur lengi verið í kringum 700 stk. (póstar eldri en 30 dagar eyðast sjálfkrafa) - en jólaspamið er komið upp í 1302 and counting. það eru 43 á dag! æðislegt!.
verst að þetta er mestallt sama draslið, og mér langar ekki í neitt af því, og þó:
Don't let your partner leave you because of being unhappy with the duration of your acts. She won't want to get out of your bedroom, hoping other girls don't find out about you.



það er alltaf eitt hvað að gerast
- tengdó nýfarin - tívolí, tívolílílí (ágætt)
- mamm'og pabbi koma á morgun í 2 nætur - maður reynir að finna tíma til að gera e-ð skemmtilegt með þeim.
- systir mín kom líka líka um daginn, gleymdi að þakka heimsóknina.
- mér skilst það sé brauðrist á leiðinni... mmm brauðrist.


ps. það er hér með staðfest, það er til heimilistækjaklám: kynlíf með brauðrist (varúð, myndin inniheldur typpi).

vondur draumur, maður

í nótt var ég að labba í áttina að vinnunni í Kópavogi. þetta var fagur haustmorgun og ekki alveg orðið bjart. reyndar var ég á gangi þar sem á að vera fjara, en í staðinn var kominn nokkuð stórgrýttur mói. ég leit upp og sá þar stjörnuhrap, nei - þetta eru 4, 5 .. alveg yfir 10 stjörnuhröp. ég fór auðvitað að óska mér, en datt ekki nógu margt í hug. þá sé ég var eitt hrapið hrapar niður í áttina að mér, og lendir ekki svo langt í burtu, með svolitlum látum.
þá lít ég áfram og sé hvar hundruðir stórra loftsteina (þ.e. steina í loftinu) komu æðandi í áttina að mér, og lengst fyrir framan mig voru þeir farnir að lenda. fólk var öskrandi og steinarnir mölbrutu allt sem varð á vegi þeirra. ég leit til vinstri og hugsaði með mér að kannski gæti ég falið mig í kjallaranum í vinnunni, sem er í sterkbyggðu húsi. ég áttaði mig þó á því að það myndi varla halda lengi á móti þessum gígantísku hnullungum.
þá sé ég einn hnullunginn (þeir voru farnir að lenda ansi nálægt mér) lenda á risastóru grjóti sem var þarna í móanum, og grjótið haggaðist varla. ég var á leiðinni að forða mér bak við grjótið, til að bíða örlaga minna (hugsaði með mér .. "jæja, ætli maður verði ekki að reyna að gera gott úr þessu"), þegar ég vaknaði rennblautur á vindsæng í Danmörku.












af hverju lét draumameðvitundin sér detta í hug að fyrst kæmu bara örfáir steinar, og svo ragnarök, en ekki bara strax bylgja af steinum? er ég búinn að horfa á svona margar geimbíómyndir?
af hverju vaknaði ég á vindsæng? jú, það er reyndar vegna þess að foreldrar Lilju eru í heimsókn og sofa í rúminu okkar.



**********
en þetta er búið að vera rosa fínt hérna í DK. veðrið er alger steik, og bjórinn ekkert svo dýr. ég er hættur að taka lestina, til að spara (ég er ekkert að deyja úr nísku, það er bara allt að hækka hérna úti, og þjónustan að versna - las það í Dato áðan (eitt af nýju fríblöðunum hér), kastrup, lestirnar, strætórarnir, pósturinn).

ég fór í minn fyrsta pólskutíma áðan, og það er bara svoldið svært. vorum 7 nemendur, kennslan í pólsku fer fram á dönsku, bókin er á ensku og ég þarf að hugsa allt á íslensku. eitt af þessum tungumálum verður að gefa eftir, og ég held það verði íslenskan - nú fer ég að hugsa á dönsku eða pólsku.

er að lesa 24timer núna, annað fríblað sem skaut upp kollinum eftir að fréttist að íslendingar ætluðu að setja á fót danskt fréttablað. forsíðufréttin er að margar au-pair stúlkur fái ekki greitt fyrir vist sína hér, því mangararnir sem reddi þeim plássinu taki peningana þeirra (ca. 2500 dkr. á mánuði). pólitíkusar lýsa því yfir að stúlkurnar eigi að fá landvist í baunalandi ef þær tilkynna um mistnotkun. svipað og verið var að tala um á ísl. með erlendu konurnar sem eru lamdar af kallinum sínum (sú umræða var einmitt í gangi hér þegar ég kom út, um konur sem danskir karlar flytja inn).
í gær var forsíðufréttin "au paur-piger arbejder som slaver hos rige danskere" ... þetta er alveg virkilegt vandamál með þessar stelpuskjátur!