superbella Italia!

uno salamívíó pítsa por favore - einhvernvegin svona byrjar forleikurinn að unaðslegri ítalskri nautnastund - stund sem ég mun muna lengi.

við Hrannar komum frá Ítalíu í fyrradag, sem skýrir af hverju hér hefur ekkert verið skrifað. það er bara búið að vera alltof gaman.

ferðalagið, sem hafði verið draftað á fimbull.blogspot, var í stórum dráttum á þessa leið:
1. Köben -> Vejle -> Billund lufthavn,
stoppuðum í þeirri miklu stuðborg Vejle í nokkra klukkutíma, þar var hægt að kaupa bjór - lítið annað.
2. lent í Písa,
í Písa er Mestaravöllur, þar sem allt er skakkt. að sögn Hrannars vegna þess að flutt hafði verið inn skekkjandi jarðvegur frá Babýlon .. við gerðum okkar besta til að rétta af turninn, en héldum síðan á brott.
3. lest til Flórens,
úff ... allar byggingarnar, stytturnar, sagan og allir þessir túristar! það var gaman að sjá Davíð e. Michelangelo, eftir að hafa nýlega skoðað afsteypu hans fyrir utan Afsteypusafnið hér í Khöfn.
4. lest til Bologna,
elsti háskóli í heimi, 7-kirkju-kirkjan, turnarnir tveir og ég veit ekki hvað og hvað í þessari borg bogaganganna.
5. lest til Genúa,
eftir að hafa glímt í langan tíma við ítalska lestarkerfið og hætt við að stoppa í Mílanó, komum við loks til heimaborgar Hrannars, borgarinnar í hlíðunum við Miðjarðarhafið þaðan sem Kólumbus sigldi til Íslands og var bent á að tékka á Vínlandi. meðal annars fórum við inn í dómshús borgarinnar, sem eins og allar aðrar byggingar var ekkert nema risastór og skreytt bygging með marmara fljótandi um eins og vín. meira að segja hótelherbergið var 5000 ára gamalt (eða a.m.k. hundgamalt).
6. lest aftur til Písa og flogið heim.
dauðþreyttir lentum við í Billund og komum okkur heim til höfuðborgar Íslands, Kaupmannahafnar. lífið hóf sinn vanagang aftur, Hrannar flaug heim í góða veðrið og ég kom mér fyrir á holu á bókasafninu við Fjólustræti, þaðan sem þetta er skrifað.

það var auðvitað svo margt að sjá, heyra, borða og drekka í þessari ferð að ég treysti mér ekki til að telja það allt upp. veðrið var talsvert betra en íslendingur á að venjast í janúarlok, maturinn yndislegur og Ítalir hreint ágætir. ekki skemmir fyrir að vera í fylgd leiðsögumanns sem talar reiprennandi ítölsku - grazzia Faccini Dori.

241 mynd úr ferðalaginu segja meira en mörg orð.


svo verður maður bara að fara aftur og sjá Cinque Terre og annað sem ekki náðist að skoða - helst að taka svona 3-4 vikur í landið allt - já eða nokkur ár ...

heja heja

ferðin til Svíþjóðar heppnaðist jyttevel.

Skánverjar tala mun betri útgáfu af íslensku en K'hafnarbúar, og svo er að finna Subway í Malmö. ég er miklu mun hrifnari af Subway heldur en fallafel.
Steina vinkona tók á móti okkur í Ystad með glæsibrag og við skemmtum okkur vel við að skoða gömul sæt hús, Grábræðraklaustur (sbr. torg kennt við sömu bræður hér í K'ben) og líta í búðir. sáum þó ekki ströndina í Ystad, enda var ekki alveg veðrið til þess.

eftir 6 daga, 10. jan, verður haldið í vikuferð til Reykjavíkur - þangað hefur mig alltaf langað að koma.

***

sá í fréttum fyrir nokkru að Akureyrarbær hefur ákveðið að gera almenningssamgöngur fríar innan bæjarins.
mér finnst þetta yndisleg hugmynd. þetta var rætt í blöðunum hér í K'höfn fyrir nokkru, en snögglega komu upp gagnrýnisraddir, hvers handreipi var rannsókn sem benti til þess að slíkar aðgerðir hefðu m.a. þær afleiðingar að hjólreiðafólk hætti að nota hjólin sín, en minni áhrifa myndi gæta meðal þeirra sem kjósa að nota bílinn sinn.

á Íslandi hjólar auðvitað enginn, vegna veðurs og brösótts landslags. fólk sem myndi kjósa að nýta sér hjólhesta, væri landið flatt og veðrið þolanlegt, notar því einkabílinn.
í Rvk er risastór ónýttur markaður af fólki sem myndi leggja bílnum ef til væri raunverulegur valkostur. frír strætó í nokkur ár myndi leysa hænu/egg vandamálið (of fáir farþegar -> of fáar ferðir -> of fáir farþegar ...) og álagið á vegakerfið myndi snaaaarminnka.

ókeypis almenningssamgöngur fara líka einkar vel saman við hugmyndir mínar um lestarkerfi á allstór-höfuðborgarsvæðinu, með viðkomu í Herstöðvarbæ og á Leifsstöð.

***

mæli með snjómannagallerýi Kalvins og Hobbes, fyrir þá sem hafa góðan húmorkirtil.

gleðilegur janúar

get ekki mælt nógu mikið með Black Books, sem finna má á tv.peekvid.com - yndislegir þættir. ég hef mig þó grunaðan um að vera með eilítið bæklaðar hláturstöðvar, því mér fannst Skaupið 90% ekki skemmtilegt þegar ég kom heim kl. 6 á nýársmorgun (áfengið hjálpaði til við þessi 10% sem voru fyndin), og Borat ekki heldur í nýársþynnkunni.




sá í fréttum að vont veður hafi riðið yfir á nýársdag. er ekki frá því að ég hafi vaknað við það og sofnað svo aftur. nýárið er búið að vera fínt.


þjóð Svía sótt heim á morgun, Ystad og Malmö
óska Saddam til hamingju með að vera dauður. ég er jafn furðu lostinn og aðrir á því að ríkisstjórn Íslands og SÞ hafi ekki fordæmt aftökuna, eins og þessir aðilar eru nú duglegir að fordæma aftökur almennt, annarsstaðar í heiminum.
já - hengingin kom eflaust í veg fyrir að fjölmargir glæpir hans gegn mannkyninu yrðu upplýstir, hann var búinn að vera svo samvinnuþýður hingað til - einmitt.

átti hann ekki annars syni sjö, sjö syni átti Saddam - við getum kannski spurt þá hvaða fleiri mannillskufræjum hann sáði, hann sáði?

gó'r nómber ma'r

Vísir.is: Nóvember óvenju illviðrasamur

TV2.dk: Rekordvarmt novembervejr

múhaha...

þetta samt ekki búið að vera nein sæla, rigning og leiðindi. síðustu laufin að detta af trjánum og komið niður í 7° ... össsss ...

***
flatkökur, hangikjöt, marzípanrúllur, rúgbrauð, þristar, íslenskir ostar ... það er sæla. mamm'og pabbi komu aldeilis færandi hendi. auk þess að vera búin að gefa okkur Lilju flug heim í jólagjöf, komu þau með fullt af glaðningum og litla jólapakka. spurð hvað væri í þeim þögðu þau og vild'ekkert segja. brostu bara út í bæði.

***
víetnamski staðurinn sem er í göngufæri við okkur hér á Austurbrú, er líka æði. konan þóttist m.a.s. skilja dönskuna mína þegar ég kom og sótti.
---
það er annað en hvítu danirnir, þetta hyski! á lestarstöðinni í dag að kaupa miða fyrir mömm'og pabba:
ég: hej, 2 billeder til kastrup tak.
hún [hugsandi hmm, góð danska sem þessi talar, hlýtur að vera útlendingur]: yes, that will be fiftífor.
ég: væs'go..
hún [hugsandi mmm hvað hann er líka sætur, ætti ég að skrifa númerið mitt á kvittunina?]: ok, hír iss the change.
ég: tak ska'du'ha, hejhej
hún [sleikjandi útum, hugsandi ohh, mmm]: þeink jú, gúddbæ.

***
við erum eina fólkið í húsaþyrpingunni með jólaseríur í gluggum. þar með er útséð með að fleiri landar okkar búi í henni.

las blað á útlensku áðan. þar var Sjáland kallað Zealand, wtf hugsaði ég. mundi við það tækifæri að fletta upp New Zealand á netinu, komst að því að það heitir eftir Zeelandi í Hollandi, ekki Sjálandi hinu danska. ég hef verið plataður.

Já, ég var spriklandi
á Grikklandi, með vindverki hjá grindverki,
ælandi á Snælandi, í námunda við
Ámunda, þá kom Ágúst með strákúst.
(höfundur Kristján Hreinsson)

Björgólfur, ertu að lesa þetta?

ef ég ætti nokkra milljarða sem ég vissi ekki hvað ég ætti að gera við, myndi ég gefa landinu mínu segullestarkerfi, sem myndi ganga frá Vatnsmýrinni til Keflavíkurflugvallar, með viðkomu í Breiðholti, Garðabæ, Hafnarfirði og Keflavík, að ógleymdri nýju byggðinni á Miðnesheiði (þar sem ég væri alveg til í að búa eftir að búið er að losa svæðið við flesta kakkalakkana).





svipað og A.P. Møller og Chastine Mc-Kinney Møller sjóðurinn gerðu, þegar þeir gáfu dönum óperuhúsið fræga

ég veit að ég er ekki eini áhugamaðurinn um lestarsamgöngur á Íslandi.

forlögin

það eru forlögin sem réðu því að ég fer ekki fyr en 6. sept nk. út til Köben (svo dagsetningin komi enn einu sinni fram ;) annars væri ég blautur núna því það á að rigna í dk alveg þartil ég kem, þá kemur gott veður.
- það sem meira er, hugsanlega hefði Haraldi Steinþórsyni, en ekki Haraldi Sigurðssyni verið hent fyrir lest, á Norðurportsstöðinni fyrir 5 dögum síðan, hefði ég farið fyrr út. það hefði ekki verið gaman!
vinsamlegast muna: ég er ekki hálfþrítugi útigangsmaðurinn Halli í Kaupmannahöfn, heldur hálfþrítugi laganeminn og gleðipinninn Halli í Kaupmannahöfn.

mun ég dveljast að Holsteinsgötu og mæta reglulega í tíma á Fiolstræti, í svokallað Metroanneks.
þeir sem vilja koma í heimsókn eru beðnir um að vera í bandi, þeim sem vilja minnast mín er bent á að kaupa sér Holste(i)n bjór.

þeim sem vilja hafa samband við hinn Hallann er bent á að hann hengur mikið á lestarstöðvum í miðbæ Köben.