club sandwiches, not seals

sólbaðsstofa - sprengihætta

ég var að sjá frétt um að sólbaðsstofa á Austurbrú, við Parken og ekki langt frá íbúðinni sem maður leigði á sokkabandsárum sínum í Köben (kort með frétt Jótlandspóstsins) hafi verið sprengd í loft upp rétt í þessu.

eins og einn segir í ummælum við fréttina:

Det er muhammedtegningernes, politivoldens, Foghs, PETs DFs, afklædte damers og samfundets skyld - det hele!

myndir af jp.dk, avisen.dk og berlingske.dk

troðnar kvennaslóðir

í dag skráði ég mig inn á http://www.kvennaslodir.is/


... ég á von á því að fá boð um setu í stjórn einhvers stórfyrirtækisins hvað úr hverju.

vil kaupa von!

við Goggi Michael eigum sama afmælisdag og báðir erum við hrakfallabálkar þegar kemur að jólagjöfum.

á hverju ári syngur hann í útvarpinu um að á síðustu jólum hafi hann gefið hjarta sitt einhverjum sem henti því burt daginn eftir, blessaður ræfillinn.

þessi jólin, í stað þess að gefa bækur, nál og tvinna, langaði mig að gera eins og í Teach the world to sing laginu, mér

langað’að kaupa heiminum von,
og skreyta hana ást,
rækta eplatré og hunangsflugur
og hvítar turtildúfur.

en svo fletti ég upp textanum, og sá að hann segir

I'd like to build the world a home

en ekki buy the world a hope :P amk ekki skv. öllum textasíðum á netinu.

svona er maður kapítalískur. von fyrir mér er eitthvað sem hægt er að kaupa, helst fyrir pening, rétt eins og hægt er að kaupa frið, réttlæti og jöfnuð.

"Ahh, peace throughout the land" - do you take Visa?

von er hægt að meta til fjár, rétt eins og lágmarksframfærslu og lágmarkshamingju, rétt eins og lífið.

takk Coca-Cola, þú vannst.

(ég heyri ennþá buy the world a hom(p)e - í öllum 3 útgáfunum á jútjúb)

krosstré

Úrskurðarorð:
[...]
Reykingar í húsnæði AA samtakanna að Heimagötu 24, Vestmannaeyjum eru bannaðar.

úrskurður Úrskurðarnefndar skv. lögum um hollustuhætti og mengunarvarnir nr. 3/2006.(neðri myndin er skemmtileg teikning af því hvernig Spánarkóngur spældi Chavez hér á dögunum)

Beaujolais og pepperóní

franska vínið Beaujolais, úr fyrstu raisin-uppskeru ársins, hefur verið fyrirferðarmikið í öllum verslunum síðan sl. fimmtudag (3. fimmtud. nóvembermánaðar - sjá t.d. mbl frétt).

það er ódýrt, ferskt og skemmtilegt á bragðið, og við erum í þessum töluðu orðum að dreypa á flösku nr. 2.

helvítis bölvun að hafa áfengi í matvörubúðum - ef það væri ekki svona aðgengilegt þá væri ég núna að drekka salmonellumengað kranavatn en ekki sólunda laugardagseftirmiðdegi í að deyfa líkama og sál.


ögn minna kúltiverað er uppáhaldssnakkið mitt hér í landi - Bifi pepperóní mínísalamí.

ég gæti étið þetta eingöngu, kannski með bjór eða tebolla - m.a.s. á jólunum.

jólin mín byrja í nóvember - bara til að koma því að.

helst mættu jólin vera 4 mánuði á ári, með glöggi og gjöfum, ljósum og þvingaðri lífsgleði.og þetta heimatilbúna myndband við lag franska tvíeykisins Daft Punk Harðar, betur, hraðar sterkar er stórskemmtilegt.

Coca Cola Blāk

mmm, la fusion unique de Coca Cola et d'extraits de café - snilldar hugmynd myndi maður halda.

nei, goslaust kók með kaffilíkiskrafti er ekki að gera sig, útlitið á álflöskunni er kannski það skásta við þetta.

botninum er vonandi náð í þessum orkudrykkjum.

***

hins vegar er jólabjórinn kominn í búðir, mmm noël.

btw, hér búa og vinna samtals um 130 þúsund manns - úrvalið í matvörubúðunum er með mestu ágætum, álagningin frekar lág, og lítið um að fólk sé blindfullt allan daginn, ekki einu sinni krakkarnir.

kvindernes seksualitet bliver kriminaliseret af feminister

leiðin til helvítis er vörðuð góðum ásetningi.

í avisen.dk er ágætis umfjöllun um hvernig ákveðinn hópur femínista á það til að afvegleiða hina göfugu baráttu fyrir kynjajafnrétti:

- Jeg betragter det som en farlig nymoraliserende tendens, hvor kvindernes seksualitet igen og igen bliver kriminaliseret af feminister, der går det forkerte ærinde, når de overser det sjove og klicheagtige. For det handler i hvert fald ikke om ligestilling, når der ikke komme nogen reaktion på halvnøgne mænd i det offentlige rum, siger Marie Heinskou og fortsætter:

- Jeg er bange for, at mange kvinder med den her bølge bliver bange for at have en aktiv seksualitet og så er vi altså tilbage til 1967, før kvindefrigørelsen og afkriminaliseringen af pornografien, påpeger Marie Heinskou [køns- og seksualitetsforsker við Københavns Universitet].

umræðurnar í kjölfarið eru ágætis lesning líka.

ER en nøgen kvinde så ulækker at hun skal gemmes væk?
...
Folk acceptere ikke at kvinder ses som sexobjekter længere dit forbandede pervese pikhovede svin!
...
Paven og imamerne elsker når kvinder fjernes fra det offentlige rum. Kvinders kroppe og seksualitet gøres til noget farligt og urent. Helst skal kvinder bures inde i burka eller helt holde sig inden for hjemmets fire vægge.
...
Jeg er dødtræt af at nogen skal diktere hvad andre må og ikke må, fordi det passer dem selv bedst. Sex er kommet for at blive og ja det sælger godt siden der næsten altid er en undertone af noget erotisk.
...
Det er skræmmende hvordan få personer kan se voldtægt og porno alle steder så snart man bare kan se en brækdel bar hud

það virðist hægara sagt en gert að ætla að finna milliveginn milli þess að konur skuli ganga í alklæðnaði og að megi vera fáklæddar í "klámmyndastellingum". hvenær er manneskja "hlutgerð" og hvenær er hún bara kynþokkafull?

m.a.s. augnaráð (kvenkyns) fyrirsæta má ekki vera kynþokkafullt, án þess að auglýsing sé úthrópuð sem "endurspeglun á þeim yfirráðum og undirgefni sem karlaveldið byggist á".

afstaða margra virðist vera sú að í erótík og húð felist hlutgerving, en svo lengi sem ekki sjáist í bert hold og fólk sé ekki í munaðarfullum stellingum með tælandi augnarráð, þá sé viðkomandi meira en kjötstykki.

þessi umræða er nett brengluð og öfgafull - einstakir femínistar (*) hafa komið sama óorði á femínisma og ungir hægrimenn hafa komið á "frelsi einstaklingsins".
sumt af þessu liði er auðvitað bara treggáfað pakk sem fylgir sinni sannfæringu af blindni, en margir eru líka flugbeittir og að öðru leyti heilbrigðir á skynseminni.

menn verða að kunna sér hóf í baráttumálum sínum.

* femínisti er auðvitað jákvætt orð, og allir eru femínistar sem ekki eru kvenhatarar. [málverk: Viel Spass – beaucoup de plaisir e. Ulrich Lamsfuss]

róandi sjávardýr

nýlega var ég svo heppinn að fá að passa tvo gullfiska í vinnunni, þá Loft og Stubb.

það er alveg rétt sem stóð í mogganum um daginn, lifandi fiskar róa mann niður og draga úr stressi, syndandi um áhyggjulausir og ánægðir með sitt litla líf.

það er ekki laust við að ég sakni þessara fiskikumpána, en til þess að bæta upp fyrir missinn hef ég notast við hvalahljóð frá ferðaþjónustunni Gentle Giants á Húsavík. algjört hvalanammi.

... er fósturjörð?

þá er maður kominn aftur og búinn að prufa allt.

bæinn, bjórinn, bílinn, bláa lónið, bækið, ... og nú síðast, strætó.ég beið í 20 mínútur á Hverfisgötunni í gær eftir að taka strætó sem mér skildist að færi í Breiðholtið, til þess eins að láta keyra með mig fram hjá Háskólabíói, út Skerjagranda og stoppa þar.

ég: "verður þetta langt stopp?"

vagnstjóri: "tjah, svona 25 mínútur"

... ég hef aldrei kunnað að lesa svona strætótöflur. ég sakna hjólreiðastíganna í baunalandi.

smugler på toldmuseum

héðan af svölunum sé ég yfir á Nordhavn og Löngulínu.

eins og ég hef áður minnst á er Nýja (ljóta) Hafmeyjan staðsett í nýju íbúðarhverfi, rétt við skipalægi hafnarinnar.

það var þó ekki fyrr en í dag sem ég áttaði mig á því að ToldSkat safnið er staðsett við hliðina á hafmeyjunni og abstrakt vinum hennar. ekki veitir heldur af, því safnið er varla þess virði að gera sér sérstakt far um að heimsækja það.gamlar mainframe skatt-tölvur, sveitatollbúðir, smyglvarningur, leikfanga-gámagegnumlýsingarbíll og annað semi-athyglisvert prýðir þetta safn, sem ótrúlegt en satt virðist halda uppi tveimur hálfum stöðugildum (ég náði að hanga þarna í hálftíma, með því að skoða allt þarna inni þrisvar, en var eini gesturinn á meðan). myndir

reyndar þótti mér mjög góðar blaðaúrklippurnar af atviki sem átti sér stað á safninu fyrir einum 16 árum síðan. þarna rétt hjá safninu leggjast gjarnan að bryggju skip frá Póllandi.

einn daginn stígur 33 ára pólverji frá borði
hann er með áfengi og nokkur karton af smyglsígarettum
hyggst selja góssið í næstu sjoppu
hann fer inn í eina, en er bent á að prufa frekar húsið við hliðina
í einfeldni sinni labbar hann inn á Tollsafnið
og reynir að selja starfsmönnum þess smyglvarning
en var í staðinn handtekinnsýningin fannst mér ekki kalla á að heilt safn væri byggt yfir það, þessir munir væru betur geymdir bara í anddyri Skatt- og Tollbygginganna.***

ég er hægt og hægt að falla frá öllum fordómum mínum gagnvart Þýskalandi, sérstaklega Munchen. Paulaner Hveitibjórinn er virkilega mjúkur og góður. þessi lýsing af netinu nær honum ágætlega:

Taste: nice banana sweetness is creamy up front, but light on taste at the finish when slight acetic lemon zest overpowers.

eftirbragðið er vissulega sítrónusýrukennt, er samt varla bragðanlegt. easy drinking þegar maður er latur.

***
lögreglan á Íslandi gerði sig að algeru fífli með því að kaupa undir roma fólkið flug til Rúmeníu, Hr. Gunni á orðið.

fyrsta kærustuparið á tunglinu

þetta er aðalsmellurinn hér undanfarið, ég veit ekki hvort æðið hefur náð heim til Íslands:

Nu er vi landet her
vi har hvad vi skal ha
og vi er stadig stående
Lige meget hvad der sker
på sidste skoledag
blir vi de første kærester på månen

***
sá þessa mynd hjá Ella og gat ekki annað en stolið henni.
er þetta ekki verkalýðurinn að riðlast á Tópas fyrir að vinna spellvirki á 1. maí?

rosalega finnst mér fyndið að neyslufyrirtæki komist upp með að kúka yfir þjóðfélagið án þess að fólk reisi við því rönd.

"ég borða þá bara opal" (sem er framleitt af Nóa Síríus eins og Tópas).

"ég ætla sko aldrei að drekka þetta kók zíró, en ég get samt ekki hætt að drekka venjulegt kók, það er ástin í lífi mínu"

það er erfitt að vera prinsippmanneskja í neyslusamfélagi ...

***

þjóðkirkjan er flott. ég skil ekki hvað menn eru að láta stjórnast af henni en ekki gefa þessar hommagiftingar bara frjálsar (þeim sem vilja). hvað heldur fólk að gerist, að þetta lið fari að eignast börn saman ef þau fái vígslu trúfélags? þessi mynd varð fræg út af einhverjum vísindakirkjuskandal, en hún á ágætlega við hér s.s.á.

yes you May 1st

af því að líf mitt er svona fram til 3. maí:

... hef ég ekki tíma til að tjá mig í orðum. hér er þó mynd sem segir nokkur orð í tilefni dagsins:

en bráðum, bráðum mun ég fara og skoða fegurð heimsins:

ógn af verkamönnum

ógnar-verkamenn er hugtak sem notað var í fréttum rás2 rétt í þessu.

ég veit ekki hvort verið var að tala um al kaída menn í Írak eða verkamennina sem ráðnir verða í stærra álver í Straumsvík, verði af stækkun. þeir ógna auðvitað íslensku fjallagrasi, fossum og berjalyngi. auk þess skilst mér að tengja eigi lofthreinsikerfi álversins beint við hafnfirsk heimili, svo fólk geti baðað sig uppúr koltvíoxíði

skrítið að ónefndir stjórnmálaflokkar sæki fylgið sitt enn til "hins vinnandi manns", með því að lofa honum betri kjörum, en höfði um leið til "kaffihúsapakksins", með því að lofa því að stoppa sköpun starfa fyrir "hinn vinnandi mann".ég er svona kaffihúsapakksmaður. fúlsa við auðhringjum og kapítalismanum þegar ég get. kaupi mér frekar araba-kebab en McD's, versla ekki Hoegaarden bjór því InBev lokaði verksmiðjunni og eyðilagði Hoegaarden bæinn. hjóla frekar en að keyra. kaupi frekar pulsu hjá pulsusalanum en 7-11.

það er samt svolítið erfitt stundum að vera meðvitaður neytandi.
við höfum t.d. þurft að hætta að versla við hverfisbakaríið okkar í Classensgötu eftir að það var útnefnt sem eitt af 20 ógeðslegustu bakaríum í gjörvallri Danmörku. nú verð ég að kaupa 3 korna brauðið mitt í stórmarkaðnum.

einnig hefur reynst erfitt að kaupa aðeins pítsur hjá litlu arabastöðunum, eftir að við komumst að því að hjá Domino's á Classensgötu vinna nánast bara íslendingar (verður maður ekki að styrkja landa sína?).

ég er m.a.s. farinn að hafa efasemdir um hverfissjoppuna mína, eftir að blessaður írakinn seldi mér Haribo nammi sem rann út í ágúst sl.

óumflýjanleg þjóðfélagsbylting

erlendir auðhringir eru að sjálfsögðu rót alls ills og tengsl þeirra við mansal og náttúruhörmungar eru ótvíræð.
íslenskir auðhringir eru kannski örlítið skárri, en við verðum þó að passa að þeir verði ekki of auðugir - á kostnað saklauss almúgans.
auk þess að drekkja gæsum og hreindýrum, borða ríkir útlendingar álfa og huldufólk, eins og myndin að neðan sýnir. hvernig getur maður annað en haft skilning með málstað VG? ef það væri ekki fyrir gamla úr sér gengna 80's liðið væri þetta hinn fínasti flokkur. spurning um að henda atkvæði sínu bara í Íslandshreyfinguna. þeir eru fyndnir og flippaðir.

absolut beljur

Reyndar þoli ég engar auglýsingar þar sem konur eru sýndar stinga uppí sig matvælum – sem ég mjög algengt í auglýsingum – sem er auðvitað bein vísun í að þær séu að stinga uppí sig tittling. (sic)
- vegidurlaunsatri.blogspot - algjör verðlaunaskrif hér á ferð!

hvort þetta er grín eða dæmi um hryllilega misheppnað uppeldi, er ég ekki viss. sem betur fer búum við ekki í samfélagi þar sem svona hugsunarháttur nýtur mikils fylgis.

það er margt gott og skemmtilegt á þessari nafnlausu síðu en svo er sumt þar sem fyllir mann beinlínis hryllingi. ætli manneskja sem hættir að versla við Freyju vegna Draumsauglýsingarinnar myndi einnig sniðganga Cannes, Sundance, Locarno, og Natfilm (dk) kvikmyndahátíðirnar vegna sýningar á kynlífs listaræmunum í Destricted?

Art meets sexuality in this unprecedented compilation of erotic art films made by the leading visual artists and filmmakers working today.

Sigurjón Sighvatsson er einn af framleiðendunum skv. Wíkipedíu, þannig að hann er þá líka kaldur úti hjá geðsjúkum, eða hvað? nei, erótík, nekt og kynlífslist á eflaust bara að banna í auglýsingum en eru í lagi í til þess föllnum bíómyndum? kynlífstilvísanir og nekt má ekki tengja við súkkulaði, ha? þetta er alveg rosalega merkilegt hvernig sumt fólk lítur á kynferðislega æsandi efni sem einhverskonar siðspillingu sem þarf að útrýma og banna. eins og kynþörf sé eitthvað sem ekki megi vera upp á borðum, frekar en kúkur eða æla.

það eru til góðir femínistar og svo eru til snarklikkaðir sikkópatar sem telja sig vera femínista en eru bara þroskahamlaðir (og með hálku í heilanum eins og einhver sagði).

mynd 1 hékk uppi á skemmtistaðnum Perpetuum í Brno þegar ég var þar, mynd 2 er á bls. 18 í Nýheðsavísen í dag (fleiri myndir úr Destricted), mynd 3 er lýsandi fyrir hugsunarháttinn hjá sumu af þessu fólki.

það er ofboðslega leiðinlegt að horfa upp á að VG virðist vera ruslakista fyrir fólk sem hefur svona ægilega afturhaldssamar og út úr kú skoðanir. á sama hátt og Frjálslyndir urðu að ruslakistu fyrir útlendingahatara. leiðinlegt fyrir gott fólk á listum beggja flokka, og að mestu vel meinandi fylgismenn þeirra. slíkt fólk væri betur sett með bakkusi en að bögga okkur hin alltaf hreint með sýrunni sinni.

fjandans tepruvæðing!

flagð

þetta er merkilegt. undir yfirskyni náttúruumhyggju, kvenréttinda og jöfnuðar/jafneymdar brýst úr hlekkjum kapítalismans og annarra fasismastefna...

Rauða Hendin

***

hvað á það að þýða hjá Hjálmum að rísa upp frá dauðum? það er nálykt af þeim. megi fólk átta sig á því og senda þá aftur niður í moldina.

mæli frekar með hinu danska BliGlad - Kærlighed til Fólksins jútúb vídjó. eða þessu lesbíska ástarlagsmyndbandi.

***

mætti ég þá frekar biðja um vorið til baka. hér er nóg komið af íslensku sumarveðri.