ég var að sjá frétt um að sólbaðsstofa á Austurbrú, við Parken og ekki langt frá íbúðinni sem maður leigði á sokkabandsárum sínum í Köben (kort með frétt Jótlandspóstsins) hafi verið sprengd í loft upp rétt í þessu.
eins og einn segir í ummælum við fréttina:
Det er muhammedtegningernes, politivoldens, Foghs, PETs DFs, afklædte damers og samfundets skyld - det hele!
í morgun, á svæðinu milli svefns og vöku (þar sem eðlilegir hlutir gerast mjög sjaldan) heyrði ég að kallað var "komdu á fætur Halli, komdu á fætur".
einhvern vegin tengdi ég það beint við draumfarir næturinnar og dró þá ályktun að við værum á leiðinni að skrá okkur í herinn, líklega þann norska.
ég fékk mikla bakþanka um skráninguna, ég var svo þreyttur á þessum laugardegi (sem ég hélt að væri runninn upp), það ætti ekki við mig að stunda vetrarhernað (ég sá mig fyrir mér upp á hálendi á skíðum með riffil í hönd) og það væri ekkert sjálfgefið að við færum að sinna herþjónustu fyrir Noreg.
það tók mig nokkrar mínútur að átta mig á því að eini hernaðurinn sem ég væri að fara að stunda í bráð væri upp á skrifstofu á inniskóm með tölvumús í hönd.
37% 16-17 ára stúlkna játa á sig slíka hegðun í rannsókninni, samanborið við 21% ári áður og hjá drengjum fer hlutfallið úr 23% í 35%.
að sögn Vivecu Urwitz hjá enheden for hivprævention i Socialstyrelsen í Svíþjóð kallar þetta á aukna kynfræðslu og betri einstaklingsbundna ráðgjöf.
mér sýnist kynfræðslan vera að bera mjög góðan árangur í Svíþjóð, samkvæmt þessu - a.m.k. fylgir ekki fréttinni að þetta unga fólk sé að leika sér án þess að nota réttar forvarnir.
að mínu mati getur kynfræðsla leitt til þess að fólk viti betur hvað felst í kynlífi, fólk verður sjálfsöruggara og nýtur þess jafnvel betur.
smokkanotkun er síðan forsenda þess að stunda "skyndi"kynlíf af þessu tagi.
það er helst að menn geti haft áhyggjur af hnignun trúarlegra gilda - þetta er greinilega mál fyrir Óla Tynes, en hann er sérstakur áhugamaður um kynlífshegðun skandinava, kynlíf utan hjónabands, afbrigðilegheit í ástarlífinu og kynþokka almennt.
hjálpaðu mér Stefán Einar, hjálpaðu mér Akureyrarprestur!
ég er að drepast úr helvítis umburðalyndi (ojjjj ...)
ég verð, eins og sumir, líka, að kveinka mér yfir því að þrátt fyrir að hafa átt (og eiga) foreldra sem voru (og eru)
"kristilegir [einnig mjög búddalegir og mússalegir] og kærleiksríkir og legðu mikla [en alls ekki of mikla] áherslu á gæskufulla innrætingu [illt innræti er líka gott í hófi] þá snerist bóklesturinn [hjá mér í æsku] frekar um Línu Langsokk [og Mikka Mús og Gagn og Gaman] en Jesú Krist [og Egil Skallagrímsson og Joseph K.]."þar að auki, og enn fremur, reyndi hvorugur grunskólinn sem ég gekk í að boða mér neina trú þegar ég var barn!
myndirnar eru úr dagatali RyanAir 2008 - af öryggisvörðum háloftanna.
"Snart kan kvinder, der ikke har lyst til sex, spise en pille, der vil gøre dem kåde."
segir á Avísen.dk.
196. gr. orðist svo:
"Hver sem hefur samræði eða önnur kynferðismök við mann sem heldur ranglega að hann sé kátur eða er í þeirri villu að hann vilji eiga mök við einhvern skal sæta fangelsi allt að 6 árum."
kvót dagsins eru meint viðbrögð Dicks Cheneys, sem nú er varaforseti BNA, við ásökunum konu nokkurrar um að fyrsta Íraksstríðið hefði verið háð til að fylla á kynlífsþrælabú Bandaríkjanna og fjölga í mannveiðistofninum þar í landi:
Cheney, through "proteus", purportedly told the plaintiff, "...We just had to put some variety back into our death-hunting industry. And they (Persians) are incredibly beautiful."þetta mun Cheney hafa sagt henni í gegnum hugsanaflutning.
Svartur sunnudagur- mbl.is
Óhugnalegt...
Svartur Sólarhringur
Morð í Reykjavík
Óhugnanlegt!!
Hroðalegt atvik
Morð
Skotárás.
Hræðilegar fréttir
Hræðilegt
SVÖRT HELGI
Mín dýpsta samúð
Stórborgin Reykjavík
Ömurlegar...
Sorgleg endalok.
Samúðarkveðjur.
Hvað getur maður sagt ?
Óhugnarlegt
Sorglegt
einhvern veginn hélt ég að sammæli væri um það hér á landi að skammstöfunin N.N. merkti á íslensku nafnlaus Nonni.
enda þótt á latínu merki hún nomen nescio (nafn óþekkt), fannst mér sjálfsagt að skammstöfuninni væri fundinn staður í íslenskri tungu. latínan getur líka skv. wíkipedíu verið nomen nominandum (nafnið sem (hér) skal vera) og notetur nomen (skrifaðu nafnið), en það er annað mál.
á wíkipedíu er annars að finna skemmtilegt samansafn yfir hugtök sem eru sömu merkingar og hugtakið"John (eða Jane) Doe", ýmist fyrir meðalmanninn eða þann óþekkta:
Nor: Ola Nordmann,
Dk: Hr. og Fru Danmark,
Sví: Hr. og Fru Svensson,
Fær: Miðalhampamaður,
Fin: Matti og Maija Meikäläinen
Þýs: Hans/Max/Otto og Erika Mustermann,
NZ: Joe Bloggs,
Slavar: Jan Novák,
Sviss: Hans Meier
Spánn: Pepe Pérez
ég væri til í að skrifa "alþjóðlega" skáldsögu þar sem persónur myndu heita sumum þessara nafna. hún hefði mjög almenna skírskotun.
fyrir Ísland hefur einhver skrifað Jón Jónsson og Jóna Jónsdóttir, mikið er það asnalegt.
í viðkvæmari dómsmálum eru persónugreinanlegar upplýsingar stundum teknar út.
þannig er í dómi héraðsdóms rvk sem ég var að lesa persónum öðrum en sakborningi gefin nöfnin A, B og C.
ljóst er af því sem segir í dómnum að A og C eru kvk, en B kk.
að öðru leyti er erfitt að sjá nokkuð um hagi þessa fólks, utan þess að þau virðast nokkuð drykkfelld.
nema hvað, í dómnum segir frá einni vitnaskýrslunni með þessum hætti:
"Þorsteinn Þór Guðmundsson lögreglumaður kvaðst hafa komið á vettvang 3. nóvember 2005. Hann B ekkert eftir atvikum en staðfesti frumskýrslu sem hann gerði um málið."... ég hefði giskað á að B væri einhversstaðar í dómnum nefndur "Mundi", nema hvað orðið "mundi" kemur fyrir á öðrum stað, sem og "muni" og "man". orðinu "myndi" bregður alloft fyrir og "minni" líka.
Islændingerne har brug for militær hjælp, fordi amerikanerne haf forladt Keflavik basen.
Island [har] befundet sig i et sikkerhedspolitisk tomrum uden militære styrker.
- þetta hefur metroXpress eftir Ritzau fréttaveitunni í blaði dagsins, um þetta rammeaftale.
ég veit ekki, maður eiginlega hálfskammast sín. væri ekki nóg að fá bara lánaðar 2 herþyrlur til að bjarga drukknandi sjómönnum?
Jón Ras Magnússon fékk sendingu í garðinn sinn. græna snöru.
má ekki ræða um það að hengja manninn, án þess að fólk hlaupi upp til handa og fóta? má aldrei tala um svona hluti án þess að móðursýkin grípi um sig og menn byrji að uppnefna og öskra?
þetta er ljótt fólk sem fer fyrir útlendingahatrinu hjá Frjálsblindum. ljótt og rotið á sálinni. við ættum alveg að geta rætt mögulegar aðgerðir til þess að stöðva frjálst flæði viðbjóðs sem upp úr því vellur.
fólkið sem kýs þetta ljóta fólk er heimskt fólk.
fólk sem ekki gerir greinarmun á ólöglegum innflytjendum og öðrum innflytjendum. ruglar saman nauðgurum og sjálfsmorðssprengjumönnum og fólki sem vill bæta lífskjör sín. sem heldur að það að tala íslensku sé það sama og vera íslendingur. en þetta eru einfaldlega hlutir sem reynt er að troða upp á gamla heilaskerta karlmenn (þeir virðist vera markhópurinn) til þess að næla sér í atkvæði.
en hvað veldur því að nokkur skuli láta sér detta það í hug að kjósa svona rasista? jú heimska fólkið vill ekki að þeldökkt fólk, semítar og persar, fari að selja pulsur og kebab út um allar trissur.
þvílík firra. fyrir utan rasismann í þessu, að halda að einhver munur sé á fólki eftir húðlit þeirra, þá er eina fólkið sem til Íslands kemur í gegnum ákvæði EES fólk frá fátækari hlutum Evrópu. Ísland hefur engan veginn staðið sig nógu vel í að taka á móti flóttafólki frá Mið-Austurlöndum og þess vegna er alveg út úr kú að ala á hræðslu við kebaba og moskur.
maður tekur ekki mikið eftir Mið- og A-Evrópubúunum hér í Kben, en flóttamennirnir frá Íran og Írak (sem þekkjast á húðlitnum) er alveg yndislegt lið upp til hópa. ég gæti ekki hugsað mér borgina án þeirra.
mér þykir eiginlega verst að nú sé nánast búið að loka á að fólk utan Evrópu geti flutt til Íslands. Slavar búa nefnilega til mjög vondan mat.
(með færslunni fylgir góð grein frá því í nóvember sl., sem hægt er að smella á til að lesa)
sauðsvartur almúginn er fyrir löngu búinn að skemma orðið málefnalegt.
samt spyr ég sjálfan mig hversu málefnaleg mismunun það er að krefjast þess að menn sem vilja fá danskan ríkisborgararétt þurfi að ná prófi í sögu og menningu Danmerkur, sem 22% 18-25 ára og 7% allra fullorðinna baunverja ná ekki.
það ætti kannski að leggja þetta próf fyrir þá sem þegar eru með danskan ríkisborgararétt, og svipta menn réttinum sem ekki ná því? eða senda þá til Grænlands?
***
spænskur hreimur - ég væri til í að vera haldinn honum. Total eclipse of the heart með spænskum hreim - Júróvísjónkeppandi Spánar 2003.
mæli þó mun fremur með þessari andleiðinda-auglýsingu.
myndina hér hægra megin tók ég á leið frá Akureyri til Rvk. sl. sunnudag. tunglið var á fleygiferð, og það sama má segja um bíl sem keyrði á móti okkur.
stundum kaupir maður kött í sekk. bjórinn Black Chocolate Stout frá Brooklyn NY er dæmi um slíkan kött. hann fékk ég í einhverskonar bland-í-kassa díl hjá Netto, ásamt belgískum og tékkneskum ofjörlum hans.
duftkennt súkkulaðibragðið og rammsterkt og ale-legt eftirbragð skora ekki hátt hjá undirrituðum. mér liggur við að úrskurða hann ódrekkandi, en ég er nú einu sinni Íslendingur og áfengi verður að bragðast andskoti illa svo ég klári ekki það sem ég byrja á.
þessi bjór er tilvalinn fyrir okkur sem erum að boycott-a belgíska Hoegaarden hveitibjórinn. jafnvel bara miklu betri (hef ekki smakkað Hórugarð í smá tíma).
fyrir þá sem ekki vita keypti hið illa alþjóðlega auðveldi InBev (áður InterBrew) í Leuven Hoegaarden framleiðsluna, og færði bruggun bjórsins til Jupille árið 2006. þar með misstu Hoegaarden-búar tákn hins rúmlega 6000 manna bæjar, hjarta hans og stærsta vinnuveitanda.
til að gera þetta ennþá verra, er Jupille í frönskumælandi hluta Belgíu, þar sem "franskir" aumingjar og auðnuleysingjar búa. ímyndið ykkur til samanburðar að mjólkurframleiðsla á Íslandi væri færð til Danmerkur.
ákvörðunin um að flytja bruggunina til aumingjalands kemur vinsældum Hoegaarden ekkert við, hann hefur selst eins og heitar ömmur undanfarin ár.
InBev á jafnframt Stellu, Beck's og Leffe - sem eru allt bjórar sem ég get verið án (þótt sárt sé að missa Leffe). en Hoegaarden snerti ég ekki, sem ég er meðvitaður neytandi!
***
ég gafst upp á þessari auglýsingu á msn. bæði Björgúlfsbanki og Kalli kókómjólk voru farnir að bögga mig með hreyfimyndum sem skáru mig í augu og særðu fegurðarskyn mitt og sálarró.
þótt ég væri með msn á dönsku, í Danmörku og skráður með heimili í Þýskalandi á msn.com, fékk ég samt áfram þessar íslensku óværur.
þannig að ég bara fjarlægði óþverrann endanlega, með litlu sniðugu forriti sem heitir A-patch, mjög auðvelt, mæli með því.
leiðbeiningar: kveikir á því, next, next, remove ad, next, close
ég hafði hingað til umborið þessar auglýsingar, en með því að bjóða mér upp á svona yfirgengilegar hreyfi-flash-myndir yfirgaf messenger mig.
auglýsingar þurfa ekki að hreyfa sig eins og flogaveik börn eða öskra á mig til þess að ég veiti þeim athygli. mætti ég þá frekar biðja um femínista-taugaveikjandi kók Zero auglýsingu.
***
þessi mynd af Ungeren-mótmælunum finnst mér flott. hún er úr myndbandi á jútjúb.
ennþá á Jagtvegi sýnist mér.
einhverjir óróaseggir hafa tekið sig til og endurnefnt Frúartorg og Fjólustræti eins og sést á þessum myndum. af þriðju myndinni að ráða virðast þeir hafa verið truflaðir þegar þeir byrjuðu á Dyrköb götu.
við tókum líka eftir því á Norðurbrú að þar höfðu margar götur verið merktar upp á nýtt, af svo mikilli natni að maður lét næstum platast.
ég veit ekki hvort göturnar á Norðurbrú voru merktar upp á nýtt áður en allt fór til fjandans.
hins vegar beittu tékkóslóvakar svipuðum aðferðum við að afvegleiða liðsauka Varsjárbandalagsins frá Póllandi þegar rússar bældu niður vorið í Prag 1968. að sumra sögn enduðu margar hersveitirnar aftur á pólsku landamærunum eftir að hafa þvælst um Slóvakíu, þar sem skilti höfðu verið tekin niður og á þeim skipt víða.
í Tékkóslóvakíu mátti jafnframt víða finna skilti, plaköt og graffítí sem mótmæltu valdtökunni. ekki ósvipað og hér.
það er kannski ósmekklegt að líkja þessum tveim atburðum saman.
þetta er í það minnsta svakalega flott leið til að vekja athygli á baráttunni og óréttlætinu sem krökkunum finnst þeir verða fyrir. síðasta myndin er úr fyrstu heimsstyrjöldinni og heitir mikil barátta er að hefjast, eftir V. Spassky.
Egill Helgason hörkubloggari og megaplebbi hefur verið að agítera fyrir því að femínistar berjist gegn múslimaslæðum. minnir mig á þessa 70 ára gömlu áróðursmynd sem ég fann á timarit.is:
***
Meyhreinir pabbadrengir hittast í ystu afkimum netheima, í kjallaranum heima hjá mömmu eða nýleigðum íbúðum vestur í Skjólum, þar sem einir búmuna eru flatskjár og Friedman (brjóstmynd). Þar sitja þeir íklæddir fermingarskyrtum og láta barkakýlin tifa í takt eins og unghanar á gólæfingu. Fussa gegn opinberum fjáraustri og álykta með sölu leikhúsa og leikskóla. Ljóngáfaðir en lítt þroskaðir.
- Hallgrímur Helgason nær ágætlega að fanga hugmyndir mínar um hinn týpíska frjálshyggju dreng. þær fáu stúlkur sem slysast út í þennan skrítna hugmyndaheim afgreiða sig líklega sjálfar á svipaðan hátt og drengirnir í greinninni hans Hallgríms.
auðvitað er þetta ómálefnalegt, ýkjukennt og að hálfu í góðsömu gríni en sannleikurinn skín í gegn.
mér eru minnug orðaskipti mín og ónefndrar stúlku, eins stofnenda skolagjöld.is (síðan er löngu horfin en afrit hennar er hér). hún þvertók fyrir að félagið væri samansafn pabbastráka (þótt hún væri eitt besta dæmið sem hægt er að finna um slíkan strák). ég hefði átt að óska henni barneigna!
***
mynd af mér í nýjustu sælkeraumfjölluninni.
í maí munu útlendingar þurfa að taka 40 spurninga krossapróf um danskt samfélag og ná að lágmarki að svara 28 spurningum réttum, vilji þeir fá baunaríkisborgararétt.
blöðin birtu í gær sýnishorn af þessum prófum og haldið þið ekki að kallinn hafi náð 32 stigum!
vissi t.a.m. ekki hver væri "frægur rithöfundur sem á 18. öld skrifaði en række komedier" - sagði Brandes en rétta var Holberg. svo vissi ég ekki að danska drottningin væri skyldug til að vera í þjóðkirkjunni eða um hvað Saxo hafi skrifað í lok 12. aldar (það var um sögu en ekki siglingaleiðir). svo klikkaði ég á því hvaða flokkur hefði verið stofnaður uppúr verkalýðshreyfingunni 1870 (sagði Venstre en það var Radikale Venstre).
hins vegar vissi ég hversu stór hluti dana væru innflytjendur, hvaðan þeir væru, hvaða lönd væru norðurlönd, hvað umboðsmaður Alþingis gerir, hvaða lönd stofnuðu EB, hvaða ævintýri HC Andersen hefði skrifað (af þrem möguleikum), hvað hefði gerst við siðaskiptin og hvað hefði gerst með Holsten og Slésvík í 1864.
stór hluti prófsins var um hlutverk og verkan ríkisvaldsins og það hjálpaði að vera frá landi þar sem allt var byggt upp eftir baunverjum.
prófið hefur legið undir nokkurri gagnrýni fyrir að einblína of á fortíðina en spyrja ekki nægilega mikið um málefni nútímans. á prófinu mínu var t.d. spurt hvenær Ísland hafi "rifið sig laust" frá Danmörku og hvenær danir hefðu fengið stjórnarskrá.
prófið sem ég tók í Dato má nálgast hér - bls. 4. það var alveg ágætt.
dómari: dómritari mun nú gera grein fyrir hinum ýmsu umræðum og skrifum í þjóðfélaginu um þetta mál.
dómritari: rafvirki á Húsavík sagði í kaffiskúrsumræðum að þetta væri allt runnið undan Birni Bjarnasyni; ungir framsóknarmenn sendu aðilum máls bréf þar sem lagt var til að reyndar yrðu sættir í málinu; tvær systur í Kópavogi sögðu á Útvarpi Sögu að Jón Ásgeir væri mjög glæponalegur með þetta síða hár sitt; framhaldsskólanemi sagði á bloggi sínu að þetta væri fökt öpp mál og gegt boring; ung stúlka sagði við saksóknara í röðinni á Subway í Skeifunni að maður ætti ekki að vera vondur við jólasveininn; svo er hérna nafnlaus tölvupóstur sem barst til konu í hlíðunum ...
saksóknari: NAFNLAUST?!? dómari ég krefst þess að haldinn verði fundur um málið!
verjandi: þetta er ATLAGA að LÝÐRÆÐINU, RÉTTARRÍKINU, RÉTTARSKIPAN LANDSINS, SJÁLFSTÆÐI DÓMSTÓLA og [setjið inn tískuorð]!
saksóknari: ákæruvaldið fer fram á að gerður verði fjölmiðlamatur úr þessari nafnlausu sendingu.
"Eh þetta, nafnlaust bréf, sem menn skrifa, án þess að, þaddna, koma fram undir nafni, eru alltaf verulega ógeðfelld í mínum huga."
- Sigurður Tómas í frétt RÚV.
því nafnlaus bréf sem menn skrifa undir nafni eru auðvitað miklu geðfelldari, er það ekki?
"Bréfið er nafnlaust, það er uppfullt af dylgjum ... atlaga að réttarskipan í landinu .."
- Gestur Jónsson í sömu frétt.
mér finnst gjörsamlega fáránlegt að menn geri athugasemd við að bréfið sé nafnlaust. það er í lagi að gagnrýna svona bréf sökum innihalds þess, og fara þá með það eins og hvern annan róg og kjaftæði, en hins vegar geta verið lögmætar ástæður á bak við að vilja ekki koma fram undir nafni.
það getur verið meinhollt fyrir þjóðfélagið að fólk sem ekki er í aðstöðu til þess að tjá sig í eigin nafni, sökum t.d. þjóðfélagsstöðu, hafi sig í frammi undir dulnefni eða ónafni.
- það getur ekki gert það undir eigin nafni án þess að skaða hagsmuni sína;
- aðrir hafa ekki þekkingu eða aðstöðu til að gera hið sama.
án þess að leggja blessun mína yfir að fólk sé að bera ljótar sakir á aðra að tilefnislausu, er ég á móti því að fólk sé að finna að umræðum á þeim grundvelli einum að þær séu nafnlausar.
nafnlaus skrif geta gefið okkur beittari þjóðfélagsumræðu og komið viðkvæmum málum upp á yfirborðið sem ella kæmu aldrei í ljós.
hvaðan heldur fólk t.d. að réttur blaðamanna til þess að gefa ekki upp heimildarmenn komi? hrópar fólk upp yfir sig þegar blöðin segja frá einhverju sem runnið er undan nafnlausum heimildarmönnum?
er það ekki jafngott að þessir heimildarmenn stofni nafnlaus blogg eða sendi nafnlaus bréf, eins og að þeir þurfi að biðja blaðamenn um að koma málum á framfæri?
þetta fræga bréf var heldur ekkert svo ljótt. í því var gagnrýni á dómstóla og varpað upp ýmsum hugmyndum um ástæður fyrir dómum Hæstaréttar. óþægilegt og jafnvel dónalegt - en er það ekki allt í lagi? er tjáningafrelsið ekki líka til þess hugsað að menn geti komið óþægilegum hugmyndum á framfæri? í bréfinu kom ekkert fram sem ekki hafði verið í umræðunni að undanförnu og því var þetta ekki einhver tilefnislaus "atlaga" - ekki leit út fyrir að ætlunin væri að ráðast á dómara, dómskerfið og Gest - heldur koma á framfæri áhyggjum bréfaskrifara.
samsæriskenningar eru best geymdar á yfirborðinu, þar sem menn geta rýnt í og skeggrætt um þær að vild.
það ætti að vera öllum þeim sem fylgjandi eru tjáningarfrelsi ljóst að hagsmunir lýðsins í landinu af því að þessar hugmyndir, þótt þær væru engar stóruppgvötanir, væru viðraðar við þá sem koma að málinu og rötuðu til alþjóðar, eru mun sterkari en hagsmunir Gests og dómaranna (sem auðvitað geta ekki svarað fyrir sig) af því að forða þeim frá því að vera bendlaðir við klíkuskap.
orð Gests hjá Rúv voru atlaga að frjálsri umræðu og hann hefði betur komið þeim á framfæri án þess að koma fram undir nafni ;)
Særún gerði prófíl bréfaskrifara ágæt skil, súmmeraði upp það sem maður hnaut um í bréfinu. þegar ég hugsa málið þá held ég að það sé rétt sem hún segir með að viðkomandi hafi eflaust notað hanska þegar hann handlék bréfið, eins JamesBondlega og það hljómar.
eins og hún, tók ég eftir því að hann notaðist við arabíska og rómverska stafi í bland í kaflasetningu, eitthvað sem ekki er til siðs á Íslandi. hins vegar tók ég eftir því í þýskri bók sem ég var að lesa eftir Dr. Dorotheu Rzepka, 'Zur Fairneß im deutschen Strafverfahren', að þar var svipað kerfi notað:
I.
A.
1.
a)
aa)
viðkomandi er e.t.v. menntaður í Þýskalandi eða þar í kring?
bréfaskrifari umgengst greinilega löglærða menn, en virðist ekki vanur því að lesa eða fjalla um dóma. jafnframt talar hann um lögfræðinga í 3. persónu, sem bendir til þess að hugmyndir hans um lagaleg álitaefni séu frá öðrum komnar.
ef ekki væri fyrir (að því er virðist) litla reynslu af því að fylgjast með dómsmálum, myndi ég á grundvelli þess sem að ofan er talið giska á að Ólafur Börkur hafi skrifað bréfið fræga. hann er menntaður í Evrópu, umgengst lögfróða menn og á hagsmuna að gæta í þessari umræðu. það gæti einnig hafa verið bragð að jafna ekki textann, skrifa í leikmannastíl og segja málinu með greini, til þess að afvegleiða fólk.
annars var vel til fundið hjá S. Sævarrri að fáránlegt væri að gera sérstakt mál út af nafnlausum bréfum, þau séu ekkert frábrugðin öðrum nafnlausum miðlum að öðru leyti en að vera sett í umslag og send í venjulegum pósti.
eins gott að saksóknari les ekki steypuna á blog.is, jah, eða tölvupóstinn sinn - þar gæti hann fundið helling af ásökunum og steypu. það væru þá eflaust fundarhöld 24/7.
fundurinn sem Sigurður boðaði til var ekkert síðri atlaga að réttarskipan í landinu heldur en bréfið sem fjallað var þar um. týpískt dæmi um ótímabæran legvatnsmissi.
mæli með mengella.blogspot.com - listilega skrifað nafnlaust blogg með fullt af ljótum ásökunum og dónaskap, en inn á milli koma mjög góðir punktar.
hnakkus.blogspot.com er líka helvíti skemmtilegur stundum.
áhugasömum er loks bent á nýstofnað wikileaks.org - síðu sem er sérstaklega hugsuð fyrir viðkvæmar upplýsingar og skoðanir (sjá grein í Times) sem menn þora ekki að láta í ljós undir eigin nafni, hvers einkunnarorð eru: "Three things can not hide for long: the Moon, the Sun and the Truth" - Siddhartha
þema þessa þvaðurs eru fánar!
mér finnst alveg merkilegt að Dannebrog (í. dönsk föt) sé elsti þjóðfáni jarðar sem enn er í notkun - danskurinn hefur vit á tímalausri hönnun.
frá Pápa mínum:
Átta ára gamall var Hermann í tíma í Vesturbæjarskóla þar sem eftirfarandi samtal átti sér stað:
Kennarinn: Allir sem eru KR-ingar rétti upp hönd.
(Allir nema Hermann teygðu sig til himins.)
Kennarinn: Hvað er þetta Hermann!! Ertu ekki KR-ingur?
Hermann: Nei, ég er Valsari þar sem báðir foreldrar mínir eru Valsarar.
Kennarinn: Það er ekkert annað, segjum sem svo að báðir foreldrar þínir væru hálfvitar hvað værir þú þá?
Hermann: Þá væri ég líklegast KR-ingur.
Þegar Elton var aðlaður fyrir að endurvinna gamalt lag um heimska blondínu***(Candle in the wind) sagði Johnny Rotten [úr Ex-Pistols]: "Old fatty finally made it - but through the back door as usual."
