Lögin

þessi mynd er svo sönn (tekin af legal antics)

Icelandic legal - Rétturinn

jess, loksins er íslenskt lögfræðidrama komið [aftur] fram á sjónvarpsskjáinn.

Rétturinn er nýjasti þátturinn á hinni vinsælu stöð ÍNN og skartar þeim Vilhjálmi Rey og Braga Dór stórsnillingum í aðalhlutverkum.

hæfur og heimafastur

ok, það er gott og blessað að það taki menn 8 ár að klára laganám við HÍ (á þeim tíma þegar það var svo lítilmannlegt að menn kláruðu það á 4 árum í stað 5).

og þótt menn geti ekki sýnt fram á færni í íslenskri tungu með öðru en setu í ljóðadómnefnd, þá gerir það þá ekki svo mikið minna hæfa.

en menn með slaufu sem búa heima hjá mömmu og pabba fram að 36 ára aldri, manni fallast hendur [visir].

það er ekki að furða þótt grípa þurfi til misnotkunar á valdheimildum [mbl].

krosstré

Úrskurðarorð:
[...]
Reykingar í húsnæði AA samtakanna að Heimagötu 24, Vestmannaeyjum eru bannaðar.

úrskurður Úrskurðarnefndar skv. lögum um hollustuhætti og mengunarvarnir nr. 3/2006.(neðri myndin er skemmtileg teikning af því hvernig Spánarkóngur spældi Chavez hér á dögunum)

Strassborg, Tríer, Lúx

sósu-lestin? allsherjar samsæri sem rekur rætur sínar þúsundir ár aftur í tímann? eða bara ósköp venjuleg búrókrasía?




góðvinur minn hr. Hylmir Hyde kom í leynilega heimsókn á föstudaginn, í einum af síðustu flugunum með IExpresso til Lúx. í bland við stutt stopp í Trier, var ferðinni einkum heitið til Strassborgar að skoða Council of Europe, Mannréttindadómstól Evrópu og Evrópuþingið, en einnig að skoða þessa típýsku túristastaði í Lúx og ESB-byggingar dómstólsins, ráðsins, framkvæmdastjórnarinnar og þingsins.


myndirnar eru fengnar að láni frá Hilmi, sem er mikill júrídískur túristi.

rss-fæði fyrir Vísindavefinn

með hjálp síðunnar [feedity].com hef ég búið till rss-feed, eða rss fætur, fyrir Vísindavefinn.

fóðrunin er http://feedity.com/rss.aspx/visindavefur-is/VlVQVVI fyrir þá sem vilja.

ég bjó mér líka til rss-dælur fyrir stjornartidindi.is, rettarheimild.is, haestirettur.is[*] og domsmalaraduneyti.is - með æði misjöfnum árangri, en gafst upp á að reyna að gera mötun fyrir domstolar.is.
[* umsjónarmenn Hæstaréttarvefsins tóku svo upp á því að vera með massíf leiðindi]

þær eru allmargar síðurnar sem gera mann kleift að gera heimatilbúið RSS úr stöðnuðum vefsíðum, en sumar þeirra gera reyndar ráð fyrir að maður sé mellufær í tölvumáli.

þetta er klárlega næsta skrefið í rafrænni stjórnsýslu, að gera fólki kleyft að fylgjast með breytingum á 'kerfinu' um leið og þær verða.

það er erfitt að vera frumkvöðull.

háæruverðugur háhyndur hæsta...

ekki veit ég af hverju ég er ekki talinn upp sem einn umsækjaenda um starfið hans Hrafns Bragasonar.

ætli þeir hjá dmrneytinu hafi haldið að umsóknin mín væri eitthver spaug?

hefði ég kannski ekki átt að titla mig mr. mag.jur lesstofusjóri ad hod emeritus Halli?

voru það mistök að stíla hana beint á súperman?

I feel a good moon rising

úr eftirsótta Nordíska kollegíinu hér rétt hjá berast ljúfir minningartónar lagsins Call on me. mjaðmirnar á manni byrja bara ósjálfrátt að hnyklast (hnyklast mjaðmir?).
það er reyndar gamalmennablokk á milli blokkarinnar sem ég bý í og kollegísins, ég vona að gamla fólkið hafi munað að slökkva á heyrnartækjunum.

ég myndi krassa partýið ef ég væri ekki að fínpússa íslenskar dómareifanir í ritgerðinni minni. hún mun auðvitað marka þáttaskil, eins og flest annað sem ég skrifa.í minni famílíu er okkur stundum sagt að fara nær, hann sé ekki eins langur og við höldum.

***
í framtíðinni ætla ég að tala um að berja á bakkafullnum læknum. það er alveg jafn mikil geðveiki að berja á honum eins og að bera (vatn?) í hann.

***
ég ætla nú ekki að ganga svo langt að segja að íslenskir lögfræðistórlaxar séu eins og risaeðlurnar forðum, vel vopnum gæddir en með of lítinn heila. en myndin er góð.

hetjukverúlantinn Þorgeirson

[...] illu heilli var Hæstiréttur Íslands stofnaður tveim árum síðar, árið 1920. Þá lokaðist íslensk lögfræði inni í Háskóla Íslands. Prófessorarnir ykkar sitja í hæstarétti líka svo þið laganemar haldið áfram að vera í prófum hjá þeim, líka eftir að þið eruð orðnir hrl. Íslensk lögfræði er hvergi kennd nema í Reykjavík. Gagnrýnin hugsun á þar ekki upp á pallborðið. Þetta er sams konar fagleg einokun og hrjáði allar greinar vísinda í sovétkerfinu.
[...]
Síðasti sigur hans [yfir íslenskum stjórnvöldum] vannst þegar hann fékk að sleppa eignarfallsessinu í föurnafni sínu, enda kveðst hann einskis eign vera. Þorgeir er því Þorgeirson. Þorgeir Þorgeirson er maður sem stendur fast á rétti sínum.

- heimasíða Þorgeirs Þorgeirsonar rithöfundar og athafnakverúlants*, sem m.a. er frægur fyrir að hafa unnið mál gegn íslenska ríkinu fyrir Mannréttindadómstóli Evrópu, er um margt fróðleg.

* kverúlant (lat. querulus) er maður sem er gjarn á að telja sig beittan órétti af öðrum og leitar allra leiða til að berjast gegn því.

þar kemur m.a. fram að hann hafi eytt 3000 klukkutímum í gerð síðunnar, sem heitir leshús.

einnig er þar að finna margskonar skjöl, dóma, ákvarðanir og viðtöl sem tengjast baráttu hans við stjórnvöld og dómstóla vegna greinaskrifa hans í Mbl. 1983. þar ræddi hann um það vandamál sem heimskir dyraverðir og lögreglumenn voru í Reykjavík á þeim tíma og sagði hann að sumir lögreglumenn væru "einkennisklædd villidýr".

ég held að fullyrða megi að dyraverðir hafi almennt lítið batnað síðan þá, en lögreglumenn trúi ég að hafi skánað. fyrir utan suma.

málið sem hann fór með til Mannréttindadómstólsins varð til þess að ákveðið var að lögfesta Mannréttindasáttmála Evrópu, árið 1994, og í framhaldinu var stjórnarskráin uppfærð til samræmis við (þá) nútímann.

ánægðastur held ég samt að hann hafi verið þegar hann fékk boð frá Davíð Oddssyni sjálfum (ráðherra Hagstofunnar), daginn fyrir alþingiskosningar 1999, um að eignarfallsessið í nafninu hans væri niður fallið. enda hafði hann náð því í gegn að vera nefndur Þorgeirson í málsmeðferðinni í Strassborg.

Þorgeir fæddist árið 1933 og lést sjötugur að aldri. hann lifir þó áfram í gegnum heimasíðuna sína, ráðamönnum fyrr og nú til ama.

hæjjj, ég er sona meistaranemi skiluru?

það er til meistaranám, við Júníversití of London, í mannréttindum.

lögfræðitengt grunnnám er greinilega ekki nauðsynlegur undirbúningur fyrir þetta nám. né heldur virðist það gera nemendum kleift að átta sig á innanlandslöggjöf í mannréttindum. jah, eða virkni alþjóðlegra mannréttindasáttmála.

það eru amk þær ályktanir sem ég dreg af grein sem lesa má á vísi, eftir mastersnemanda í umræddu námi.
þrátt fyrir góðan vilja, telur nemandinn að Mannréttindasáttmáli Evrópu hafi aðeins gildi "alþjóðalaga".
er nemandinn það vel að sér í stöðu sáttmálans á Íslandi að hún telur Evrópudómstólinn dæma um hvort íslenska ríkið hafi gerst brotlegt gegn sáttmálanum.

ætli það væri dónalegt að segja henni frá því að Evrópudómstóllinn sé dómstóll ESB og að Ísland sé ekki í ESB?
eða að dómstóllinn sem settur var á fót með Mannréttindasáttmálanum heiti Mannréttindadómsóll Evrópu?
eða að sáttmálinn sé hluti af íslenskum lögum, sem íslenskir dómstólar dæma eftir?

ætli það myndi ekki sær'ann of mikið. en guð hjálp'onum ef hann er að borga peninga fyrir þetta nám.nú kemur Dato ekki lengur út. enda síst af fríblöðunum þremur sem borin eru í hús, og minnst lesið.

þetta þýðir að ég fæ bara 24timer heim til mín, því Nyhedsavisen hefur einhverra hluta vegna sniðgengið blokkina mína, að undanskildum nokkrum dögum í nóvember. nú verður ennþá erfiðara að vakna á morgnanna og sækja blöðin.

teiknaðu mynd, hún endist lengur

þá er maður mættur á Svarta demantinn aftur, í skítaveðri. gott að skiptast á að lesa í bókasafninu í miðbænum og demantinum. hér er kaffihúsið Augnablik og bókabúð, en enginn kebab-staður. bara einhver fansípansí veitingastaður.gaurinn sem situr á móti mér hér í Gamle Læsesal, sem er í konunglega bókasafnshlutanum í Slotshólma, getur ekki hætt að stara á stelpurnar við hliðina á mér og sitt hvorum megin við hann - virkilega krípí. ekki vera svona augljós, stúbbid!

annars hefur salurinn ekki tekið neinum breytingum frá því þessi mynd var tekin. nema hvað bætt hefur verið við rafmagnsinnstungum undir borðin og salurinn er ekki lengur svart-hvítur.ég kannski gleðst ekki yfir brunanum mikla, en ég græt hann ekki. menningarsöguleg hús? hefðum við haldið upp á torfkofa, ef það hefði verið eina húsið sem hundadagakonungnum stóð til boða?
ef hús nr. 22 verður endurbyggt þá getur borgin hunskast til að gera það á Árbæjarsafni og reisa alvöru hús í Austurstrætinu í staðinn. eitthvað svona evrópskt.

mynd af treg.is

um réttinn til þess að teljast saklaus þar til sekt er sönnuð.

The presumption of innocence will be violated if a [...] statement by a public official concerning a person charged with a criminal offence reflects an opinion that he is guilty before he has been proved guilty according to law. It suffices, even in the absence of any formal finding, that there is some reasoning suggesting that the [...] official regards the accused as guilty.
Dómur Mannréttindadómstólsins í máli Böhmer g. Þýskalandi frá 3. október 2002.

Ummæli ríkislögreglustjóra í kvöldfréttatímum Stöðvar 2 og ríkissjónvarpsins skírskota þó með ákveðnum hætti til sjónarmiða um sérstakt hæfi. Verður að líta svo á að þau endurspegli huglæga afstöðu ríkislögreglustjóra til málsins. Þar sem þau voru viðhöfð opinberlega í fjölmiðlum verður sérstaklega að líta til þess hvernig þau horfa við almenningi og hvort varnaraðilar geti í ljósi þeirra með réttu dregið óhlutdrægni hans í efa í samræmi við þær kröfur sem gerðar eru til hæfis dómara. Verða ofangreind ummæli ekki skilin á annan hátt en að ríkislögreglustjóri telji að með réttu megi álíta að embætti hans sé ekki treystandi til að líta hlutlaust á málavexti. Hefði dómari viðhaft sams konar ummæli opinberlega hefði hann orðið vanhæfur til að leysa úr því, sbr. g. lið 5. gr. laga nr. 91/1991. Með hliðsjón af áðurnefndri 5. mgr. 5. gr. lögreglulaga verður því að líta svo á að ríkislögreglustjóri hafi, er hann lét ummælin falla, orðið vanhæfur til að halda áfram meðferð málsins.
Úrskurður Hæstaréttar Íslands í olíufélagsmálinu frá 23. janúar 2007.


hver segir svo að Ísland sé aftarlega á merinni þegar kemur að mannréttindum (meintra) glæpamanna?

atvinnuhúmor

það er alveg ægilegt að sitja inni í þessu sumarveðri, börnin hlæja, fuglarnir syngja og kvenfólkið tekur út stuttu pilsin.

þá er gott að kæta sig með nokkrum bröndurum:


úr meintum slysaskýrslum eftir umferðaróhöpp:

• A pedestrian hit me and went under my car.

• The guy was all over the road. I had to swerve a number of times before I hit him.

• I pulled in to the side of the road because there was smoke coming from under the hood. I realized there was a fire in the engine, so I took my dog and smothered it with a blanket.

***

síðan var það þessi kæra til Mannréttindadómstólsins í Strassborg sem HMSH benti mér á:

málið er nr. 53818/00 og var tekið fyrir 6. febrúar 2003, til að meta hvort það ætti erindi til dómstólsins (admissibility hearing).

I. Tveir eigendur fyrirtækis í Austurríki kvörtuðu yfir meintu broti gegn 6. gr. sáttmálans (réttlát málsmeðferð), á þeim grundvelli m.a. að þeir hafi þurft að fá sér lögmann er þeir fóru með mál fyrir stjórnskipunardóm­stólinn í Austurríki, þeir hafi ekki fengið greiddan málskostnað þar og meðferð málsins hafi dregist úr hófi.

ekkert að því, en síðan byrjar grínið:

II. Kærendurnir báru, auk ofangreinds, fyrir sig brot gegn:

- 3. gr. (bann við pyndingum), þar sem óréttlætið sem fólst í ofangreindu hafi verið svo mikið að jafna mætti því við pyndingar;

- 4. gr. (bann við nauðungarvinnu), þar sem þeir hafi neyðst til þess að fara með málið fyrir MDE;

- 8. gr. (friðhelgi einkalífs), þar sem vinna við málið hafi bitnað á einka- og fjölskyldulífi þeirra;

- 10. gr. (tjáningarfrelsi) og 11. gr. (félagafrelsi), þar sem kvöðin um að fá sér lögmann væri brot gegn frelsi þeirra til að safnast saman.

kærunni var að sjálfsögðu hent út med det samme.

rétturinn til þess að vera reikistjarna

24. ágúst 2006 samþykkti Alþjóðasamband stjarnfræðinga nýja skilgreiningu á reikistjörnum, og fellur stjarnan sem áður var þekkt sem reikistjarnan Plútó ekki undir hana. telst Plútó því dvergreikistjarna í dag.

ég er á því að Alþingi ætti að samþykkja þingsályktunartillögu þess efnis að íslenska ríkið lýsi því yfir við alþjóðasamfélagið að Ísland fallist ekki á hina nýju skilgreiningu, og muni áfram telja Plútó til reikistjarna.
það er ömurlegt hvernig hið íslenska vísindasamfélag beygir sig alltaf fyrir heimskulegum alþjóðlegum samtökum, stöðlum, sáttmálum og samböndum.

fari stuðningur eða andstuðningur við Íraksstríðið fjandans til, þetta er þjóðþrifamál!

Bjarni Moggablogg Magnússon og Björn Þorn Guðmundsson (hic) eru eftir minni bestu vitund helstu sérfræðingar okkar í geimrétti og réttindum stjarnfræðilegra fyrirbæra. gætu þeir því leitt þetta þjóðþurftar starf með myndarbrag.
(þar sem þessir tveir koma saman, þar verður súr stemmning og mikið drukkið)
***

geturðu sagt Rechtswidrigkeit 4 sinnum hratt?

Tastrafrecht, þ.e. að refsing sé í réttu hlutfalli við sekt sakbornings. sé hann aðeins hálfsekur, ber auðvitað að nýta einungis helming refsirammans.

því má þó ekki rugla saman við Rechtswidrigkeit - þ.e. meðvitund um að verknaður sé ólögmætur og refsiverður.

Geständningsprozeß - þ.e. játningarmeðferð, hvernig játning er fengin frá sakborningi. þegar játning var skilyrði refsingar varð auðvitað að fá hana fram með hverjum þeim hætti sem mögulegt var.

ofantalið er að hluta byggt á bók Heikki Pihlajamäki: Evidence, crime, and the legal profession: the emergence of free evaluation of evidence in the Finnish nineteenth-century criminal procedure. að hluta er um grín að ræða.

í bókinni er ágætis umfjöllun um hvernig notkun sönnunargagna fór úr því að vera fastmótuð og reglubundin, til þess fallin að konungur gæti hæglega stjórnað meðförum sakamála og hvernig franska byltingin fæddi af sér frjála sönnunarfærslu og frjálst sönnunarmat, stundum kallað “théorie morale des preuves”.

***

að vera ómyrkur í máli og skapi

Pestis contratia omni juri (pest motsatt all rätt)
- páfinn Honorius III. í bréfi til erkibiskuparins í Lundi um bresti í vitnaleiðslum í sænskum rétti (dómþingum) árið 1218.

Om det skulle bli så, framför allt i narkotikamål att vittnesmål vid rättegången inte längre skall gälla, och om det skulle bli så att åklagerens bevisbörda minskas, kan vi slänga samtliga lagböcker på det bokbål som en gång tändes av Hitler och som tygligen aldrig slocknat.
[...]
Fienden är lömsk och försåtlig och framför allt livsfarlig. Som påven Honorius den tredje skulle såga: 'Naggandet på rättsäkerheten är en pest'. Jeg såger avslutningsvis: håll den smittsamma pesten utanför lagens murar!
---- Leif Silbersky. Umræður um "Etterforsknings- og bevisspørgsmål ved narkoikaforbrytelser" í Forhandlingene ved det 30. nordiske juristmøtet: Oslo 15.-17. august 1984, Del II, bls. 92-93 mynd úr bókinni Behind Enemy Lines: WWII Allied/Axis Propaganda

ónotaorð

Gestur heldur áfram að vinna sér inn stig:
„Það virðist vera að þau atriði sem við teljum að valdi því að óhugsandi sakfelling sé í þessum lið koma skýrt fram í þessum tölvupóstum, [...]"
- mbl í dag (lbr. mínar)


hann gerir semsagt ráð fyrir sakfellingu, en af þeirri tegund sem er óhugsandi.

maður spyr sig líka hvort einhverskonar sakfelling sé innbyggð í liðum ákæru, eða hvort þeir leiði ekki frekar til hennar (þ.e. óhugsandi, ótækrar, ónotalegrar, ómælanlegrar sakfellingar).

"dómari, við krefjumst ómögulegrar sýknu og að dómsorð verði kveðið upp í ómæltu heyranda hljóði!"

minnir mig á gamalt þjóðráð: "Be frank and explicit with your lawyer ... it is his business to confuse the issue afterwards" - ónafngreindur

***
ætli það myndi virka fyrir uppreisnarmenn í Írak að dreifa svona myndum til bandarískra hermanna? mynd úr bókinni Behind Enemy Lines: WWII Allied/Axis Propaganda.

you will find the Tommies behind the lines - with your wives

við lestur á ársskýrslu stjórnar Orator í 4. tbl. 58. árg. Úlfljóts rann/rifjaðist upp fyrir mér að hafi verið umsjónarmaður tölvuvers og auk þess, ásamt henni Dabbý corporate lawyer bi$#, námsráðgjafi Orator, skólaárið 2004-5.

umsjónarmaður tölvuvers, er það ekki (ó)bein leið til þess að kalla mig tölvunörd?

... hver segir svo að ég hafi ekki verið félagsmálatröll...

***

við Lilja fórum á Viet Nam, veitingastaðinn hér rétt hjá sem Hrannari þykir svo vænt um. fengum okkur m.a. nautakjöt á teini, vafið utan um ananasbita. þegar þetta var snætt með hrísgrjónum og rosalegri kókossósu varð úr þessi svakalega veisla í munninum. tvímælalaust þess virði að prufa.

***

ég keypti nýverið bókina Behind Enemy Lines: WWII Allied/Axis Propaganda á 30 kr. danskar. margar skemmtilegar myndir og textar. þessari sem birtist hér var t.a.m. ætlað að draga úr þrótti breskra hermanna á vígstöðvunum með því að telja þeim trú um að kanarnir væru að punda konurnar þeirra heima í Bretlandi.
áður hafði frönskum hermönnum verið sagt það sama um bresku félaga sína.

californiaaaaa

ætli maður sé með Stokkhólmseinkennið ef maður vill helst ekki hætta að vera í skóla?

tjah!

sú löngun er a.m.k. mjög almenn. hins vegar bý ég yfir sérstökum vilja til þess að a.m.k. klára þessa ritgerð.

og þið vitið hvað sagt er:

lex specialis derogat generali

***

ég á vinkonu sem er frá landi jólasveinsins. ég ætla að tala um hana án þess að hún fatti það, því verð ég að tala svolítið óskýrt. hún skilur nefnilega sænsku.

ég hitti hana þegar ég var nýlentur í landi tékksins - internetið var í ólagi hjá okkur báðum og við biðum fyrir utan hjá tölvulúðanum. heilsuðumst og komumst að því að við vorum bæði frá Norðurlöndum. vorum bæði skiptinemar við lagadeild (þeir voru ca. 10 samtals). áttum bæði betri helminga í festum heima (sister in pain hugsaði ég með mér).
bæði tókum við virkan þátt í félagslífinu - héldum auðvitað uppi heiðri norðurlandabúa við ýmis tækifæri.

en svo fór hún að gera hosur sínar grænar fyrir strák frá Hægeníu. það endaði með því að hún dömpaði kærasta sínum til margra ára og hefur lifað hamingjusöm síðan þá með hægenanum. gott hjá henni. ég missti auðvitað þjáningarsystur, en þetta var barátta sem ég þurfti að takast á við einn. ég held ég hafi líka verið aleinn - sambönd brotnuðu eins og ég veit ekki hvað allt í kringum mig, í lastabælinu sem var heimavistin þar sem ég bjó.

góð stelpa. aðeins of dramatísk. líkist svolítið stelpunni úr Appelsínusýslu, þessari sem dó. bloggar hér á útlensku.





þessi enski karlrembu (?) texti er úr bandarískum dómi frá 1875, sem varðaði fyrstu konuna sem vildi verða lögfræðingur þar á bæ.
jedúddamía.

Conference of European Constitutional Courts

einhver heyrt um samtök evrópskra stjórnlagadómstóla? nei?

ráðstefnur eru haldnar á 3 ára fresti og meðlimir eru stjórnlagadómstólar eða sambærilegir dómstólar 39 Evrópuríkja.

heimasíða samtakanna.
listi yfir ríki.

Holland, Finnland, Svíþjóð, Ísland, Bretland og Grikkland og e.t.v. nokkur ríki í viðbót hafa ekki enn gerst meðlimir.

***

Hrannarinn er kominn og við höfum verið á listasöfnum, bókabúðum, börum og bókasöfnum síðustu 2 daga. á háskólabókasafninu í Fjólustræti hittum við í dag ónefndan lagaprófessor, sem bauð okkur í kaffibolla á kaffihúsinu/bókabúðinni á móti safninu.

dagin áður á sama kaffihúsi/bókabúð keyptum við 590 bls. doðrantinn Legal Essays - Festskrift til Frede Castberg frá 1963.
fremst í Tabula gratulatoria eru
Hans Majestet Kong Olav V
Ásgeir Ásgeirsson, Islands president
aðrir Íslendingar sem finna má í tabúlunni eru m.a. Bjarni Ben (sem einnig á grein í ritinu), Bókasafn HÍ, Ármann Snævarr og Sakadómur Rvk.
... bókin kostaði 10 kr. danskar.

***

myndin hér hægra megin tengist umfjöllunarefni þessarar færslu hugsanlega!

búðin í götunni

Stúdentakjallarinn á sunnudaginn kl. 20:

Að lokum sínum [sic] við tékknesku óskarsverðlaunamyndina Obchod na Korze (The Shop on Main Street, 1965) e. Jan Kádar og Elmar Klos. Þetta er tragikómísk mynd um hálfgerðan aula sem er skipað að gerast arýskur [sic] "yfirmaður" búðar sem gömul gyðingaekkja rekur. Myndin endurspeglar yfirráð kúgunarstjórnar nasista en hún er einnig gerð á hápunkti sovéskrar stjórnar í A.-Evrópu. Myndin fékk ekki bara óskar sem besta erlenda mynd, heldur einnig tilnefningu fyrir bestu leikkonu (Ida Kaminska sem gamla ekkjan).

þetta er reyndar slóvakísk mynd, ekki tékknesk (tékkóslóvakísk ef menn vilja vera nákvæmir) - hún gerist í smábænum Sabinov, sem ég heimsótti í júní sl., ég var plataður til að sjá leikrit sem gert er eftir myndinni þegar ég var þar - þá voru 40 ár liðin frá því myndin fékk óskarsverðlaun og hátíðarhöld í bænum. ég skildi leikritið ágætlega þrátt fyrir slakan skilning á slóvakísku, falleg og átakanleg saga.
Sabinov er annars þekktur fyrir einstaklega gott jógúrt, og þess má geta að búðin sem myndin gerist í var nýlega breytt aftur í leðurvöruverslun, líkt og var þegar myndin var tekin þar upp.

***

The LB
ég er búinn að vera á Lögbergi í gær og í dag - æðislegt að hitta gömlu vinina, manni líður strax eins og heima hjá sér.
í kvöld er stefnan jafnvel tekin á laganemakokkteil.

***

smá entrapment grín
State v. Powell ‘86: Drunken decoy – lögreglutálbeita lagðist í fósturstellingu á jörðinni og þóttist vera áfengisdauð, með veski hangandi út úr rassvasa – skapaði að mati Hæstaréttar Hawai “a substantial risk that [theft] would be committed by persons other than those who [were] ready to commit it”.