ég passa mig á því að biðja aldrei um heimsendingu þegar ég panta mér mat og mér finnst satt að segja stórfurðulegt að vera boðin ragnarök í hvert skipti sem ég t.d. panta mér pitsu.
myndin hér að ofan hefur lengi fylgt einu af mínu uppáhalds internet-orðtiltækjum: að rífast við fólk á internetinu er eins og að keppa á Ólympíuleikum fatlaðra.... sama hver vinnur, þú ert áfram þroskaheftur.
annað hvort fór það fram hjá mér þegar hugtakið smjörklípuaðferð var kynnt til sögunnar eða ég var búinn að gleyma því - a.m.k. mundi ég ekki eftir þessu með köttinn.
en það er heilmikill literatúr til í kring um það.
meðfylgjandi loftbelgsbrandara fékk ég sendan um daginn, ég hafði áður séð hann á ensku, þar sem lögfræðingur var á jörðinni og "skjólstæðingur" í belgnum ... það gekk ekki nógu vel upp.
mun betur tekst til í íslensku þýðingunni þar sem búið er að breyta leikendum í tölvukall og stjórnanda:
Maður í loftbelg sá að hann var að missa hæð. Hann tók eftir konu á jörðinni, lækkaði flugið aðeins meira og kallaði til hennar: „Afsakið, geturðu hjálpað mér? Ég lofaði að hitta vin minn fyrir klukkutíma, en veit ekki hvar ég er.“
Konan svaraði: „Þú ert í loftbelg sem svífur í 15 metra hæð, milli 40. og 41. norðlægrar breiddargráðu og milli 59. og 60. vestlægrar lengdargráðu.“
„Þú hlýtur að vinna við tölvur“, sagði loftbelgsmaðurinn.
„Það geri ég“, svaraði konan, „hvernig vissirðu það?“
„Nú“, svaraði maðurinn, „allt sem þú sagðir mér er tæknilega rétt, en ég hef ekki hugmynd um hvaða gagn er af þeim upplýsingum, og reyndar er ég enn villtur. Satt að segja þá hefur ekki verið mikil hjálp frá þér. Ef eitthvað er þá hefurðu helst tafið ferð mína.“
Konan svaraði: „Þú hlýtur að vinna við stjórnun.“
„Já“, sagði maðurinn. „en hvernig vissir þú það?“
„Nú“, sagði konan, „þú vissir hvorki hvar þú ert né hvert þú ert að fara. Eintómt loft hefur komið þér þangað upp sem þú ert. Þú gafst loforð sem þú hefur ekki hugmynd um hvernig á að efna og þú ætlast til þess að fólk fyrir neðan þig leysi þín vandamál. Reyndar ertu í sömu stöðu og þegar við hittumst, en nú er það einhvern veginn mín sök.“
sagði í rusltölvupósti sem ég fékk nýverið.
we caught you naked haraldurs! check the video
tölvupóstsþriðjudagsgrínið er að þessu sinni í formi gátu (og með svona skemmtilegu letri).
þekkir þú þessa?
"Ef maður væri aðeins ábyrgur fyrir því sem maður gerir sér grein fyrir fengju vitleysingarnir fyrirgefningu synda sinna fyrirfram. En, Fleischman minn, maðurinn á að vita. Maðurinn ber ábyrgð á eigin fáfræði. Fáfræðin er synd. Þess vegna getur ekkert veitt þér syndaaflausn, og ég lýsi því yfir að þú hagir þér eins og durtur gagnvart konum, jafnvel þótt þú þrætir fyrir það."
þau eru sögð spila eitthvað sem kallað er indie rokk (þau eru svo indie-pendent að þeir eru á samningi hjá Columbia).
þetta myndband hljómsveitarinnar Ting Tings við lagið Frábær DJ segir mér hins vegar að níundi áratugurinn, 80's, sé að hefja innreið sína enn á ný.
Not my name er ágætasta lagið á mæspeisinu þeirra.
JFK (Jesús Fokking Kristur), nú verður gaman.
.jpg)
ég var alveg búinn að gleyma því að það væri hægt að sólbrenna á Íslandi í byrjun apríl.
ég var jafnframt búinn að steingleyma því hversu gaman það gat verið að fara á skíði í Bláfjöllum - svo er nýja stólalyftan líka frábær, leðurklæddir stólar!.jpg)
nú er ég sviðinn í andliti og með bólgna leggi eftir skíðaskóna, mér hlakkar til næst..jpg)
af hverju að ræða hlutina?
discuss,
de-bate
og de-liberate?
að láta ofbjóða okkur, afbeita og affrelsa?
ekki er það nú málefnalegt.
látum verkin tala.
---
PS. ég hefði reyndar ekki samþykkt þessi eldsneytismótmæli hefði ég vitað að þau yrðu svona hávær og truflandi.
fitna (ísl): hlaupa í spik, verða holdugur, stríðsvaxinn eða algjör fituklumpur.
fitna (arab): mjög víðtækt orð sem getur átt við trúardeilur, aðskilnaðarstefnu, upprisu og stjórnleysi, allt á sama tíma.
Sigurður nokkur nennti að skrifa í nokkuð löngu máli um það sem allir aðrir sem séð hafa þessa krúttlegu mynd höfðu áttað sig á, en þessar tvær setningar hans segja allt sem segja þarf:
Afskaplega auðvelt væri að klippa saman 15 mínútna myndband sem sýnir kristni í nákvæmlega sama ljósi. Þannig væri hægt að notast við brot úr myndum og þáttum á borð við: Root of All Evil?, The Doomsday Code, The God Who Wasn‘t There og Jesus Camp.Jesús Camp er einmitt á RÚV+ núna - kannski sýna þeir Fitna næsta sunnudag.
í gær lærði ég að það er mjög erfitt að hlusta á Stríð og Frið í hljóðbókarformi á brettinu út á Nesi.
fyrir utan að þessi 10 klukkutíma BBC útgáfa er ekki hressasta tónlistin til þess að sprikla við.
þannig að næsti leikur var að gúgla "gym music", fara á davidelvar.com og fylla spilastokkinn af klassískri snilld á borð við Kemíkal broðers, Whú, Djefferson Aeroplane, beastí bojs og Cjúr.
ég vil bara vara fólk við því að reyna að hlusta á þessa hljóðbók á meðan það gerir eitthvað annað.
frekar að gera eins og vinur minn sem fór á hraðlestrarnámskeið og las pappírsútgáfuna á 20 mínútum - hann sagði að bókin fjallaði um Rússland.
núna er ég á þvílíkri siglingu um Nostalgíuhaf að hlusta á lag Arthúrs Brown, Fire frá 1968 - sjá jútúb - en Prodigy endurunnu lagið þegar ég var á sokkabuxunum árið 1992 með samnefndu lagi - sjá líka jútúb.
ég held að ég hafi spilað vínilplötuna hans pabba með Brown-útgáfunni upp til agna á nýja plötuspilaranum mínum þetta ár.
