Hvað er að gerast:

mánudagur, maí 26, 2008

Heimski Skagi?

mér finnst fulllangt gengið hjá mannhöturunum í Fávitaflokknum að gefa út þetta ótuktar málgagn:


ég veit nefnilega til þess að það eru ekki allir á Skaganum heimskir, heldur bara þeir sem aðhyllast Magnúsartrú.

sunnudagur, maí 25, 2008

hrákaldur veruleikinn í formi nýstúdents

ónefndur vinur minn og jafnaldri var staddur á Prikinu núna um helgina. eitt sinn er hann stóð í röðinni á klósettið óskaði hann stúlku með stúdentshúfu til hamingju með árangurinn, minnugur gleðinni sem umlék útskriftardaginn okkar vorið 2002.

"ert þú ekki full gamall til þess að vera hérna inni?" svaraði hún.

hann brosti bara að því, en félögum hans þykja þetta stórar fréttir, þar á meðal mér.

ég er semsagt kominn á þann aldur...

laugardagur, maí 24, 2008

kan inte sluta lyssna

mér líkar betur og betur við skandinavískt popp, ég er ekki jafn harður og ég eitt sinn var.

þetta myndband er úr Svíþjóð í bítið á TV4 og sýnir tónlistarkonuna Titiyo syngja lagið Longing For Lullabies við undirleik Andreas Kleerups:

miðvikudagur, maí 21, 2008

"Eins og það skipti einhverju hvort dómarar gangi með höfuðbúnað muslimakvenna ..."

mér er svo sem sama, en þessi skrumskælingarmynd af heimasíðu Berlingske frá 2. maí sl. er óneitanlega fyndin:

mánudagur, maí 19, 2008

Hess er hress - sumarsmellurinn í ár

instrúmental lagið Ssshhh með Hess is more er að tröllríða öldum ljósvakans í Danmörku um þessar mundir.

stutta útgáfan er lag nr. 1 á mæspeisi bandsins, lengri útgáfuna má heyra á vefsíðunni þeirra hessismore.com.

þetta hressa lag fær mann til þess að vilja standa upp úr stólnum og dilla sér - hér er það í hringitónsútgáfu.

Denial is the new confession - Work is the new chill segja þeir, en ég las það í blaði í dag að heilbrigði væru hin nýju trúarbrögð.

sunnudagur, maí 18, 2008

Amagerströnd / Strandir

sunnudagur fyrir viku síðan: tuttuguogeitthvað stiga hiti á Amagerströnd, bjór og frábært fólk, berbrjósta danir og áhyggjuleysi.

í gær: Strandir, Reykhólasveit og ýmsar óbyggðir Vestfjarða, bjór og frábært fólk, torfbær þar sem bjó ófríð kind og tvö lömb hennar, og æðruleysi.

fimmtudagur, maí 15, 2008

4.000 manns á 6 mánuðum


mikið rosalega er bankafólkið farið að mæta vel í ræktina eftir að lægðin byrjaði.

World Class hefur sagt frá því að nú, 15. maí, séu 18.900 manns í áskrift hjá þeim, en þeir voru 17.900 í febrúar og 15.000 í desember 2007.

þetta er 4.000 manna aukning á 6 mánuðum, frá í desember í fyrra, en þá voru 3 litlar og ein millistór stöð opnaðar.

í nóvember 2006 (árið sem Laugar opnuðu) voru korthafar um 13.000 og þeim fjölgaði því um 2.000 á einu ári, til loka ársins 2007.

til samanburðar eru um 60.000 manns iðkendur í alþjóðlegu WorldClass keðjunni, sem er staðsett í 10 löndum (Ísland ekki inni í þeirri keðju).

í febrúar sl. var ráðgert að opna bráðlega stöðvar í nýja miðbænum í Garðabæ og í Vesturbæjarlauginni ... þetta bara blæs út.

fyrir stuttu heimsótti ég fyrstu stöðina, í Spönginni Grafarvogi, og er þá búinn að sjá allt. sú stöð er frekar stór, með ágætis potti, en það mætti fjölga pottum og installa sundlaug. tækin eru af 1. kynslóð og varla að maður kunni á þau.

nú vantar bara að þeir opni í stærsta hverfi landsins, Breiðholti, og kannski eina stöð utan höfuðborgarsvæðisins.
... nema hið ótrúlega gerist og einhverjir aðrir aðilar sjá sér leik á borði á þessum markaði ...

föstudagur, maí 09, 2008

letilausi dagurinn

"Mennesker, der bliver ved med at dyrke konditionskrævende motion gennem det meste af livet, kan forsinke den biologiske aldring med op til 12 år."

við erum að tala um betri súrefnisupptöku - og hér er ekki tekið með í reikninginn minni líkur á sjúkdómum, betra jafnvægisskyn og meiri vöðvastyrkur.

(mynd af hinum ruslmassaða Gunnari Birgissyni líkamsræktarfrömuði, af WorldClass.is)

fimmtudagur, maí 08, 2008

aldrei of mikill Halli

í "ástandinu" eins og það er kallað í dag er gjarnan talað með neikvæðum hætti um Halla.

þessvegna var ánægjulegt að lesa eftirfarandi línu á landbunadur.is:

"Halli á heilum gólfum eykur hreinlæti, ..."

reyndar sagði neðar á sömu síðu:
"Minnt skal á að gólf eiga ekki að vera með meiri halla en 6%."


þetta minnti mig á eftirfarandi orð Árna Johnsens úr ræðustól Alþingis:

"... sérfræðingar í kynlífsspeki á Íslandi höfðu forgang um að stýra skoðanakönnun hérlendis varðandi fjölda þeirra sem teldu sig vera kynvilltir. Þetta var 1.500 manna úrtak, þar sem 7% töldu sig haldna kynvillu. Það að mínu mati er innan eðlilegra skekkjumarka sem er í hverjum og einum manni"
ég held að 6% Halli sé á sama hátt hæfilegt magn fyrir hvern og einn.

(myndir af ja.is og keli.blog.is)

miðvikudagur, maí 07, 2008

Eaten in one week ...

miðvikudagspósturinn að þessu sinni, sem er frá meðvituðum samstarfsmanni, fær mann til að þakka fyrir það sem maður á.

myndaserían er upprunin af heimasíðu TIME.

What is eaten in one week:
Take a good look at the family size and diet of each country, and the availability and
cost of what is eaten in one week.

1 - Germany: The Melander family of Bargteheide
Food expenditure for one week: 375.39 Euros or $500.07*

(* evran er hér 1,33 dollari, í dag er hún 1,54)
kallinn er assgoti góður í bjórnum, svo drekka þau rauðvínsflösku á dag, sem er til fyrirmyndar. spurning með allan þennan djús,
mjólkina og kolrýrða vatnið ...)
2 - United States: The Revis family of North Carolina

Food expenditure for one week $341.98

3 - Japan: The Ukita family of Kodaira City
Food expenditure for one week: 37,699 Yen or $317.25

4 - Italy: The Manzo family of Sicily
Food expenditure for one week: 214.36 Euros or $260.11


5 - Great Britain
: The Bainton family of Cllingbourne Ducis
Food expenditure for one week: 155.54 British Pounds or $253.15
6 - Kuwait: The Al Haggan family of Kuwait City
Food expenditure for one week: 63.63 dinar or $221.45


7 - Mexico: The Casales family of Cuernavaca
Food expenditure for one week: 1,862.78 Mexican Pesos or $189.09


8 - United States: The Caven family of California
Food expenditure for one week: $159.18

9 - China: The Dong family of Beijing
Food expenditure for one week: 1,233.76 Yuan or $155.06

10 - Poland: The Sobczynscy family of Konstancin-Jeziorna
Food expenditure for one week: 582.48 Zlotys or $151.27


11 - Egypt: The Ahmed family of Cairo
Food expenditure for one week: 387.85 Egyptian Pounds or $68.53


12 - Mongolia: The Batsuuri family of Ulaanbaatar
Food expenditure for one week: 41,985.85 togrogs or $40.02
13 - Ecuador: The Ayme family of Tingo
Food expenditure for one week: $31.55


14 - Bhutan: The Namgay family of Shingkhey Village
Food expenditure for one week: 224.93 ngultrum or $5.03


15 - Chad: The Aboubakar family of Breidjing Camp*
Food expenditure for one week: 685 CFA Francs or $1.23
(skv. Wikipediíu er Breidjing Camp: a refugee camp in Chad created in May 2004 for Sudanese refugees from Darfur.)

þriðjudagur, maí 06, 2008

og lifði til að segja frá því

ég fór í klippingu í gær, ég fór í nudd um daginn - þetta eru fullkomlega eðlilegar byrjanir á smásögum.

Ég fór í krufningu í gær.
sá ég hins vegar á random bloggi í gær.

svarið við spurningunni sem er ekki til

eitt allra áhugaverðasta svar Vísindavefsins frá upphafi birtist í dag:

Þetta er prufa.

Þessi spurning hefur ekki verið birt.

henni má þó ekki rugla við þetta svar:
Þessi spurning er ekki til.

mánudagur, maí 05, 2008

hress á mánudegi




Lundi er franska og þýðir mánudagur.
að vera léttur í lundi er eflaust komið af því að vera hress á sálinni á mánudegi (bon esprit sur un lundi).

gaman væri að vera trúðslegur fugl sem er léttur á sálinni á mánudegi í lítilli borg í Svíþjóð.

(Lundi léttur í lundi á lundi í Lundi.)

sunnudagur, maí 04, 2008

Bjarkalundur

sunnudagsbíltúrnum var að þessu sinni heitið til Bjarkalundar (sbr. fjallabjarkirnar sem vaxa þar í kring, ekki Bjarki Skallagrímsson eða Björk Guðmunds), sem Dagvaktin er að gera að næstu Laugavegs-Shellstöð.

frábær vinur var sóttur þar heim og farið í lítinn bíltúr.

hótelið lítur ágætlega út, en það er frá 1947 eins og flest annað í Reykhólasveit (að frátöldum fjöllunum og Grettislaug).

helstu merkisstaðir í næsta nágrenni eru Geirvörtufjöll (Vaðalfjöll), Þörungaverksmiðjan (og leka heitavatnsleiðslan sem liggur að henni) og Grettislaug (sterka), fyrir utan Bjarkirnar auðvitað.

annars er Reykhólaþorpið álíka spennandi og Búðardalur, varla þess virði að stoppa nema maður þurfi að nota klósettaðstöðu - þetta er kyrrðarstaður, staður til að slaka á.

ferðalagið er um 200 km frá höbbósvæðinu, yfir Bröttubrekku, gegnum Sælingsdal og yfir Steingrímsfjörð, en þegar reiknað er með 2x Hvalfjarðarveggjaldi borgar það sig ekki að fara þangað á mjög eyðslusömum bíl, a.m.k. ekki ef um dagsferð er að ræða.

maður sér ekki beinlínis fyrir sér að fara þangað aftur í náinni framtíð, nema ef vera skyldi að aka framhjá á leið eitthvert lengra (miklu lengra, það er talsvert langt í næsta eitthvað, með miklu af engu á milli), nokkurs konar búinn þar - gert það, þart til maður er orðinn gamall.


myndir:
1) björk, birki, rifhrís (birch) af ust.is,
2) Grein úr Á ferð um Strandir og Reykhólasveit - upplýsingariti frá 2008,
3 og 4) Hótel Bjarkalundur,
5) Grettislaug á Reykhólum,
6) Reykhólar í Reykhólasveit,
7) Geirvörtufjöll,
8) þörungaskip,
9) sama og 2.

föstudagur, maí 02, 2008

glaður gæfi ég allt


þrír af hverjum fjórum körlum á aldrinum 40-75 ára myndu frekar vilja missa hárið en getuna til að stunda kynlíf, fjórir af hverjum tíu myndu frekar vilja missa vinnuna og einn af hverjum fimm myndu frekar vilja verða gjaldþrota, skv. þessari rannsókn.

þeir eru komnir á þann aldur að þeir vita hvað er mikilvægt í lífinu... þess vegna er kynlífsforvarnarauglýsingum aldrei beint að þeim.